default_image

3 years ago

March 12, 2021

दिपेश र प्रिन्स अन्तिम आठमा

काठमाडौं (हाम्रो खेलकुद) – नेपाल एपिएफ क्लबका दिपेश धामी र सिल्क ग्रुपका प्रिन्स दाहालसँगै नेपाल पुलिसका बिष्णु कटुवाल राजधानीमा जारी प्रथम खुल्ला साईनो मेयर कप ब्याडमिन्टन प्रतियोगिताको पुरुष एकलतर्फ क्वाटरफाइन्लमा प्रवेश गरेका छन् । शुक्रबार दिपेशले सेनाका सन्तोष पनेरुलाई २१–१४ र २१–१२ को सहज जित निकाल्दै अन्तिम आठमा स्थान पक्का गरेका हुन् । प्रतियोगितामा दोश्रो […]

65 views

0 Bookmark

काठमाडौं (हाम्रो खेलकुद) – नेपाल एपिएफ क्लबका दिपेश धामी र सिल्क ग्रुपका प्रिन्स दाहालसँगै नेपाल पुलिसका बिष्णु कटुवाल राजधानीमा जारी प्रथम खुल्ला साईनो मेयर कप ब्याडमिन्टन प्रतियोगिताको पुरुष एकलतर्फ क्वाटरफाइन्लमा प्रवेश गरेका छन् ।

शुक्रबार दिपेशले सेनाका सन्तोष पनेरुलाई २१–१४ र २१–१२ को सहज जित निकाल्दै अन्तिम आठमा स्थान पक्का गरेका हुन् । प्रतियोगितामा दोश्रो वरियता पाएका बिष्णुले सेनाका डेभिड थापामाथि २३–२५, २१–१९ र २१–१७ को कठिन जित निकाल्दै क्वाटरफाइनलमा पुग्न सफल भए ।

यसैगरी सिल्क ग्रुपका प्रिन्स दाहालले सेनाका आयुष्मान नागरीलाई २१–१६ र २१–७ ले पराजित गर्दै अन्तिम आठमा पुग्न सफल भए । सेनाका पविन लिनथेप, पुलिसका जीवन आचार्य, सेनाका रुकेश महर्जन, भुपु सैनिकका सहरोज अन्सारी र सेनाका भोजबहादुर गुरुङले क्वाटरफाइनलमा स्थान बनाएका छन् ।

तारकेश्वर नगरपालिका १ साङलास्थित साईनो स्पोर्टस् हलको आयोजना तथा तारकेश्वर नगरपालिकाको प्रायोजनमा भएको प्रतियोगिताको महिला एकलतर्फ धादिङकी तारा आले र सेनाकी प्राथना देउवाले क्वाटरफाइनलमा स्थान बनाए । ताराले सेनाकी डेमोना केसी २१–१० र २१–७ तथा प्राथनाले बुटवलकी प्रतिष्ठा अर्यालमाथि २१–६ र २१–७ को सहज जित निकालिन् ।

पुरुष युगल सी लेबलको प्रतिस्पर्धामा धादिङका बिपेन घले र राम मल्ल ठकुरीको जोडी र गण्डकी ब्याडमिन्टन क्लबका सरद खड्का रमेश ठकुरीको जोडीले सेमिफाइनल प्रवेशका लागि प्रतिस्पर्धा गर्ने भएका छन् ।

टोखाका क्षितीज खनाल र अमन महर्जनको जोडी, सिडीबिएका किरण बिष्ट र राजकुमार गुरुङ्गको जोडी, किर्तिपुरका द्रिपेश बज्राचार्य र निखिल भट्टको जोडी, भुपुका जीवन खत्री र प्रकाश कुँवरको जोडी, गोकर्णेश्वरका लोक बहादुर लामा र गणेश श्रेष्ठको जोडी, टोखाका बुद्ध डङ्गोल र शोक राज डंगोलको जोडीले क्वाटरफाइनलमा स्थान बनाए ।

यस्तै पुरुष ४५ बर्ष माथिको युगलतर्फ जेष्ट ब्याडमिन्टनका श्याम पराजुली र नविन बाबु श्रेष्ठको जोडी क्वाटरफाईनल प्रवेश गरेका छन् । बुद्धिबहादुर घिसिङ र डि. बहादुर तामाङको जोडी, एम. बज्राचार्य र अनिल कुमार लाखेको जोडी, पिएफसीका पूर्ण हरि होना र संजय कपालीको जोडी, बुटवलका बिरेन्द्र सिंह बिष्ट र मान बहादुर रानाको जोडी, जेष्टका राजाबाबु महर्जन र रुद्र थिङ्गको जोडी, ललितपुरका सुमन महर्जन र सुनिल मान शाक्यको जोडी तथा चन्द्रागिरीका हरि खत्री र भरत श्रेष्ठको जोडीले क्वाटरफाइनलमा स्थान बनाए ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.