काठमाडौं (हाम्रो खेलकुद) – सिल्क ग्रुपका प्रिन्स दाहाल र त्रिभुवन आर्मी क्लबकी अनुमाया राईले प्रथम खुल्ला साईनो मेयर कप ब्याडमिन्टन प्रतियोगिताको उपाधि जितेका छन् ।

पुरुष एकलतर्फ सिल्क ग्रुपका प्रिन्स दाहाल र एपिएफका दिपेश धामीलाई पराजित गर्दै उपाधि जितेका हुन् । प्रिन्सले दिपेशमाथि २३–२१ र २१– १८ को जित निकाले । यसका साथै प्रिन्सले चितवनमा भएको हारको बदला समेत लिएका छन् । बिजयी खेलाडीले नगद ५० हजार ट्रफी, मेडल र प्रमाण पत्र प्राप्त गरे भने उपबिजयी खेलाडीले नगद ३० हजार र मेडल प्राप्त गरे ।

तेश्रो भएको पुलिसका बिष्णु कटुवाल र सेनाका रुकेश महर्जनले समान १०–१० हजार रुपैया प्राप्त गरे । क्वाटरफाइनलिष्ट पविन लिनथेप, जीवन आचार्य, सहरोज अन्सारी र भोज बहादुर गुरुङले समान ५–५ हजार प्राप्त गरे ।

आईतबार साङ्लास्थित साईनोको कभर्डहलमा भएको महिला एकलतर्फको प्रतिस्पर्धामा अनुमाया राईले आफ्नै क्लबकी अमिता गिरीलाई २१–१० र २१–१७ को सोझो सेटमा पराजित गर्दै उपाधि जितिन् । राईले नगद ३० हजारसहित ट्रफी र मेडल प्राप्त गरिन् । उपबिजेता गिरीले १५ हजार रुपैयाँ प्राप्त गरिन् । तेश्रो स्थानमा रहेका एपिएफकी शोभा गौचन र धादिङकी तारा आलेले समान ७ हजार ५ सय हात पारिन् ।

साईनो स्पोर्टस् हलको आयोजना तथा तारकेश्वर नगरपालिकाको प्रायोजनामा भएको प्रतियोगिताको पुरुष युगलतर्फ हिमालयन क्लबका बिशाल बस्नेत र झापाका प्रनिश सिंह ठकुरीको जोडीले आयोजक साईनोका अभिषेक बोश र सुजन थापाको जोडीमाथि २१–१७, १६–२१ र २१–१७ को जित निकाल्दै उपाधी उचाले । बिजयी जोडीले नगद ५० हजार दोस्रोले ३० हजार, मेडल र प्रमाण पत्र प्राप्त गरे । तेस्रो जोडीले समान १०–१० हजार रुपैया पाए ।

पुरुष भेट्रान ४५ तर्फ जेष्ट ब्याडमिन्टन एकेडेमीका श्याम पराजुली र नविन बाबु श्रेष्ठको जोडी बिजयी भयो । उक्त जोडीले परफेक्ट फिटनेश क्लबका पूर्ण हरि होना र संजय कपालीको जोडीलाई १२–२१, २२–२० र २१–१६ ले पराजित गरेका हुन् । बिजयी जोडीले ४० हजार तथा उपविजयीले २५ हजार रुपैयाँ प्राप्त गर्दा तेस्रो भएको दुई जोडीले समान १०–१० हजार रुपैया पाए ।

पुरुष युगल बी तर्फको प्रतिस्पर्धामा सूर्यदर्शनका दीपक राना र संजय श्रेष्ठको जोडीले गण्डकी ब्याडमिन्टन क्लबका तिलक छन्त्याल र हिरा राईको जोडीलाई १८–२१, २१–१४ र २१–१२ ले पराजित गर्दै ट्रफी उचाले । पुरुष सी तर्फको प्रतिस्पर्धामा टोखा युथ क्लबका क्षितीज खनाल र अमन महर्जनको जोडीले बाजी मा¥यो ।

बिजयी खेलाडीहरुलाई तारकेश्वर नगरपालिकाका मेयर रामेश्वर बोहोरा, नेपाल ब्याडमिन्टन संघका अध्यक्ष रामजी बहादुर श्रेष्ठ, उपाध्यक्ष एवं राष्ट्रिय खेलकुद परिषदका सदस्य सुभाष श्रेष्ठ, महासचिव बिरेन्द्र श्रेष्ठ लगायतले पुरस्कार वितरण गरेका थिए ।

पाँच दिनसम्म संचालन भएको प्रतियोगितामा पुरुष एकल, महिला एकल, पुरुष युगल (राष्ट्रिय बरियतामा एकल र युगलमा उच्च २० मा रहेका बाहेक) भेट्रान्स ९४५ बर्ष माथी० बी र सी लेबल गरि कुल ६ बिधामा १९७ खेलाडीहरुले प्रतिस्पर्धा गरेका थिए ।