3 years ago
June 12, 2021
काठमाडौं (हाम्रो खेलकुद) – फाईट अगेन्स कोभिड भन्ने नाराका साथ कोभिडबाट अक्रान्त रहेका र असहज अवस्थामा रहेका खेलाडी, प्रशिक्षक, निर्णायक, खेल प्रशिक्षक र खेलकर्मीलाई सहयोग गर्ने अभियान अन्तरगत शनिबार नेपाल लोकतान्त्रीक खेलकुद संघ बागमती प्रदेशले पारा तेक्वान्दोका खेलाडीहरुलाई सहयोग गरेको छ । पारा तेक्वान्दोका ६ जना राष्ट्रिय खेलाडीहरुलाई जनही ४–४ हजार र पौष्टिक आहारको प्याकेजसहित […]
काठमाडौं (हाम्रो खेलकुद) – फाईट अगेन्स कोभिड भन्ने नाराका साथ कोभिडबाट अक्रान्त रहेका र असहज अवस्थामा रहेका खेलाडी, प्रशिक्षक, निर्णायक, खेल प्रशिक्षक र खेलकर्मीलाई सहयोग गर्ने अभियान अन्तरगत शनिबार नेपाल लोकतान्त्रीक खेलकुद संघ बागमती प्रदेशले पारा तेक्वान्दोका खेलाडीहरुलाई सहयोग गरेको छ ।
पारा तेक्वान्दोका ६ जना राष्ट्रिय खेलाडीहरुलाई जनही ४–४ हजार र पौष्टिक आहारको प्याकेजसहित स्वास्थ सामाग्री प्रदान गरिएको हो । त्रिपुरेश्वरस्थित दशरथ रंगशाला हाताभित्र पारा तेक्वान्दो प्रशिक्षक कविराज नेगी लामाको संयोजनमा खेलाडीहरु दिपेश महत, रामबहादुर अधिकारी, लोकराज शाही, पलेशा गोर्वधन, विशाल गर्बुजा र श्रृजना घिसिङलाई सहयोग हस्तान्तरण गरिएको हो ।
उक्त सहयोग वितरण कार्यक्रममा बागमती प्रदेश अध्यक्ष दिपक गुरुङ, उपाध्यक्ष तथा मुवाथाई खेलाडी एवम् प्रशिक्षक उमेश गुरुङ, संघका सचिव एवम् काठमाडौं खेलकुद समाजका अध्यक्ष दामोदर भट्टराई (बद्री), संघका सदस्य तथा जावालखेल फुटबल क्लबका सदस्य राजु वोगटी लगायतको उपस्थिती रहेको थियो ।
नेपाल लोकतान्त्रिक खेलकुद संघ बागमती प्रदेशले यस अघि पनि आफ्नो सम्पर्कमा आएका कोभिड संक्रमण भएका, अप्ठ्यारो परेका र असहायहरुलाई घरमानै गएर डाक्टरको सुविधा उपलब्ध गराउने, औषधोउपचार गराउने, स्वास्थ्य सामाग्री र सरसल्लाह प्रदान गर्ने, खाद्य सामाग्री प्रदान गर्ने कार्य गर्दै आईरहेको छ ।
लोकतान्त्रिक खेलकुद संघले काठमाडौं खेलकुद समाजको संयोजन तथा समन्वयमा सहयोग वितरण सञ्चालन गर्दै आईरहेको छ । सहयोग वितरणका क्रममा लोकतान्त्रिक खेलकुद संघ बागतमी प्रदेश अध्यक्षले खेलकुद बृत्तमा पिडादायी अवस्था र सहयोग प्रदान गर्नुपर्ने अवस्था भएकाहरुलाई निरन्तर सहयोग गर्ने बताएका थिए ।
लोकतान्त्रिक खेलकुदले गरेको यो सहयोग यस्तो असहज अवस्थामा खेलाडीहरुको लागि निकै नै ठुलो सहयोग रहेको पारा खेलाडीहरुले बताए ।
March 24, 2024
सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]
March 23, 2024
काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]
March 23, 2024
काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]