default_image

3 years ago

July 31, 2021

जुनियर च्याम्पियनसिप- अजितको कमजोर प्रदर्शन

काठमाडौं (हाम्रो खेलकुद) – एसियाली युथ एथलेटिक्स च्याम्पियन अजित कुमार यादवले भारतको पञ्जाबमा भएको १९औं यु–२० फेडेरेसन कप (अल इन्डिया जुनियर एथलेटिक्स च्याम्पियनसिप) मा कमजोर प्रदर्शन गरेका छन् । वार हिरो स्टेडियम सांगरर पञ्जाबमा शनिबार भएको पुरुष १५ सय मिटर दौडमा उनी १४ जनामध्ये १२औं स्थानमा रहे । दुई जनाले दौड पूरा गर्न सकेनन् । […]

39 views

0 Bookmark

काठमाडौं (हाम्रो खेलकुद) – एसियाली युथ एथलेटिक्स च्याम्पियन अजित कुमार यादवले भारतको पञ्जाबमा भएको १९औं यु–२० फेडेरेसन कप (अल इन्डिया जुनियर एथलेटिक्स च्याम्पियनसिप) मा कमजोर प्रदर्शन गरेका छन् ।

वार हिरो स्टेडियम सांगरर पञ्जाबमा शनिबार भएको पुरुष १५ सय मिटर दौडमा उनी १४ जनामध्ये १२औं स्थानमा रहे । दुई जनाले दौड पूरा गर्न सकेनन् । अजितले निर्धारित दुरी ४ मिनेट ३२ दशमलव ५५ सेकेन्डमा पूरा गरेका थिए ।

अजितले आफ्नै नाममा रहेको कीर्तिमान सुधार्ने लक्ष्य राखेपनि पूरा हुन सकेन । १५ सय मिटरतर्फ अजितको ४ मिनेट २ सेकेन्डको व्यक्तिगत उच्च प्रदर्शन छ । उनले च्याम्पियनसिप नजिकिदै गर्दा प्रशिक्षणको लागि दशरथ रंगशालामा प्रशिक्षण गर्न नपाएको गुनासो गरेका थिए ।

हाम्रो खेलकुदसँगको कुराकानीमा अजितले बिहानै रंगशाला गएपनि त्यहाँको सुरक्षा गार्डले पत्र खोई भनेर सोध्ने नभए फर्कन भनेको, प्रशिक्षक र उनीहरुलाई अनुरोध गरेपछि मुस्किलले तीन देखि चार दिन रंगशालामा गएर प्रशिक्षण गर्ने अवसरको पाएको बताएका थिए । अजितले अब केन्याको नौरबीमा हुने यु–२० जुनियर एथलेटिक्स वल्ड च्याम्पियनसिपमा सहभागिता जनाउने छन् ।

फेडेरेसन कपलाई यस प्रतियोगिताको छनोटको रुपमा हेरिएको थियो । तर, अजित ३ वर्ष अघि नै एसियाली युथ एथलेटिक्स च्याम्पियनसिप भएका कारण उनी सोझै छनोट भएका छन् । वल्ड यू–२० जुनियर एथलेटिक्स च्याम्पियनसिपमा अजितले ३ हजार मिटर दौडमा प्रतिस्पर्धा गर्नेछन् । हङकङपछि उनले यु–२० फेडेरेसन कप (अल इन्डिया जुनियर एथलेटिक्स च्याम्पियनसिप) पहिलो अन्तर्राष्ट्रिय च्याम्पियनसिप बन्यो ।

अजितले वि.स २०७५ चैतमा हङकङमा भएको तेस्रो एसियाली युथ एथलेटिक्स च्याम्पियनसिपको ३ हजार मिटर दौडमा स्वर्ण जितेको आधारमा केन्यामा खेल्ने मौका पाएका हुन्। जुन नेपाल एथलेटिक्स इतिहासमा ४५ वर्षपछिको पहिलो ऐतिहासिक पदक थियो । उनले निर्धारित दुरी ८ मिनेट ३०.२ सेकेन्डमा पुरा गरेका थिए । जुन उनको जुनियरमा समेत कीर्तिमान थियो ।

जुनियरमा पनि उनले विद्यालयस्तरीय राष्ट्रपति रनिङ सिल्डमो ८ मिनेट ४४.९ सेकेन्डको जुनियर राष्ट्रिय कीर्तिमान बनाएका थिए । सिनियरमा भने यो कीर्तिमान ज्ञानबहादुर बोहराको नाममा छ । उनले १९९९ मा भारतको नयाँ दिल्लीमा भएको एथलेटिक्स च्याम्पियनसिपमा ८ मिनेट २३.५९ सेकेन्डको कीर्तिमान रचेका थिए ।

स्वास्थ्यमा एक्कासी समस्या आएपछि अजितले २०७६ मंसिरमा स्वदेशमै आयोजना भएको १३औं दक्षिण एसियाली खेलकुद (साग) गुमाएका थिए । तीन महिनाको विश्रामपछि एथलेटिक्स ट्रयाकमा फर्किएका उनले त्यसपछि विभिन्न ५ प्रतियोगितामा च्याम्पियन बन्दै आफ्नो साखमा फर्किएको संकेत दिएको थियो ।

उनले नेपालगन्जमा आयोजना भएको नेपालगन्ज म्याराथन अन्तरगतको १० किलोमिटर दौडमा स्वर्ण, बन्दिपुरमा १० किलोमिटरमै स्वर्ण, हेटौडामा १० किलोमिटरमै स्वर्ण, काठमाडौं म्याराथनको ५ किलोमिटर दौडमा स्वर्ण र मदन भण्डारी स्मृति ५ किलोमिटर ठमेल रोड रेसमा स्वर्ण जितेका थिए ।

त्यसपछि कोरोना महामारीले विश्वव्यापी रुप लिदा र त्यसको असर नेपालमा पनि पर्दा कुनै पनि राष्ट्रिय र अन्तर्राष्ट्रिय च्याम्पियनसिप हुन सकेको छैन ।

March 18, 2024

गण्डकीको पहिलो जित

काठमाडौं (हाम्रो खेलकुद) – गण्डकी प्रदेशले आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ पहिलो जित दर्ता गरेको छ । पहिलो खेलमा विभागीय त्रिभुवन आर्मी क्लबसँग सोझो सेटमा पराजित भएको गण्डकीले मणि मुकुन्द भलिबल क्लब बुटवललाई ३–१ को सेटमा पराजित गर्दै पहिलो जित दर्ता गरेको हो । त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा […]

March 18, 2024

पुलिस समूह विजेता बन्दै क्वाटरफाइनलमा

काठमाडौं (हाम्रो खेलकुद) – विभागीय नेपाल पुलिस क्लब समूह ‘सी’ को विजेता बन्दै आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फको क्वाटरफाइनलमा प्रवेश गरेको छ । समूह चरणको अन्तिम खेलमा बुढानिलकण्ठ भलिबल क्लबलाई ३–० को सोझो सेटमा पराजित गर्दै समूह विजेताको रुपमा पुलिसले अन्तिम आठमा स्थान सुरक्षित गरेको हो । पुलिससँगको हारको बावजुत पनि […]

March 18, 2024

एपिएफमाथि डायमण्डको जित

काठमाडौं (हाम्रो खेलकुद) – चन्द्रागिरी नगरपालिका न्यु डायमन्डले आठौं आरबीबी एनभिए महिला तथा पुरुष भलिबल च्याम्पियनसिपको महिलातर्फ विभागीय नेपाल एपिएफ क्लबलाई पराजित गर्दै विजयी सुरुवात गरेको छ । डायमण्डले उपाधि दावेदार एपिएफमाथि ३–१ को सेटमा जित निकालेको हो । खेलको सुरुवातदेखि नै उच्च प्रदर्शन गरेको डायमण्डले त्यही प्रदर्शनलाई निरन्तरता दिदा सफलता हात पारेको हो । […]

Success

Thank you for your time.