4 years ago
August 5, 2021
एजेन्सी – साविकको विजेता ब्राजिललाई हराउँदै रसियन ओलम्पिक कमिटि (आरओसी) टोकियो ओलम्पिक २०२० अन्तरगतको पुरुष भलिबलको फाइनलमा प्रवेश गरेको छ ।
एरिएक एरिनामा बिहीबार भएको सेमिफाइनलमा आरओसीले पहिलो सेट गुमाएपनि त्यसपछिको तीनै सेट आफ्नो पक्षमा पार्दै ३–१ को सेटमा जित निकाल्दै फाइनलमा पुग्न सफल भएको हो ।
आरओसीले पहिलो सेट १८–२५ ले गुमाएको थियो । दोस्रो सेट २५–२१ ले जित्दै खेलमा फर्किएको आरओसीले प्रतिस्पर्धात्मक बनेको तेस्रो सेटमा २६–२४ को जित निकाल्दै जिततर्फ अघि बढ्दा २–१ को सेटमा अग्रता लिएको थियो । चौथो सेट पनि २५–२३ ले आफ्नो पक्षमा पार्दै आरओसी फाइनलमा पुग्न सफल भयो ।
आरओसीको फाइनल यात्रामा मिख्यलभले २२ तथा केलिउकाले १५ अंकको योगदान दिए । ब्राजिलका लिलले १८ तथा लुकासले १३ अंकको योगदान दिएपनि टोलीको हार टार्न सकेन ।
आरओसीले स्पाइकबाट ५८, ब्लकबाट ७ र सर्भिसबाट ३ अंक जोड्दा विपक्षीको गल्तीबाट २६ अंक पाएको थियो । ब्राजिलले स्पाइकबाट ५१, ब्लक र सर्भिसबाट समान ८ अंका जोड्दा विपक्षीको गल्तीबाट २६ अंक जोडेको थियो ।
अब आरओसीले उपाधिका लागि फ्रान्स र अर्जेन्टिनाबीचको विजेतासँग ७ अगस्टमा खेल्नेछ । सोही दिन ब्राजिलले तेस्रो स्थानको लागि फ्रान्स र अर्जेन्टिनाबीचको पराजित टोलीसँग प्रतिस्पर्धा गर्नेछ । फ्रान्स र अर्जेन्टिनाबीचको खेल केही बेरमा हुदैछ ।
December 16, 2025
काठमाडौं (हाम्रो खेलकुद)- यसै साता हुने आइओएफटिसी नेपालले १५ औँ इन्टरनेसनल ओपन फ्रेन्डसिप तेक्वान्दो च्याम्पियन्सिप (आइओएफटिसी)को तयारी पूरा भएको जनाएको छ। च्याम्पियनसिप त्रिपुरेश्वरस्थित राष्ट्रिय खेलकुद परिषद्को कभर्ड हलमा शुक्रवार र शनिवार हुनेछ ।आइओएफटिसीका संस्थापक तथा निर्देशक संस्थापक दिवाकार महर्जनले इन्टरनेसनल ओपन फ्रेन्डसिप तेक्वान्दो च्याम्पियन्सीपले २५ वर्षको यात्रा तय गरेको बताए । ‘सन् २००० मा पहिलो […]
December 15, 2025
एजेन्सी – म्यानचेस्टर सिटीले क्रिस्टल प्यालेसलाई ३-० ले हराउँदै प्रिमियर लिगको शीर्ष स्थानमा रहेको शीर्ष स्थानको आर्सनलसँगको अंक पुनः घटाएको छ। एर्लिङ हालान्डले २ र फिल फोडेनको गोलमा सिटीले जित निकालेको थियो। ४१औँ मिनेटमा माटेउस नुनेसको क्रसमा हालान्डले हेडरमार्फत गोल गर्दै सिटीलाई अग्रता दिलाए। यद्यपि, अघिल्लो सिजन एफए कप फाइनलमा सिटीलाई हराएको क्रिस्टल प्यालेसले खेलभरि […]
December 8, 2025
काठमाडौं (हाम्रो खेलकुद)- भारतको इस्ट बंगाल एफसीले जितका साथ काठमाडौंमा जारी साफ महिला क्लब च्याम्पियनसिपमा विजयी सुरुवात गरेको छ। दशरथ रंगशालामा आज भएको पहिलो खेलमा इस्ट बंगालले भुटानको ट्रान्सपोर्ट एफसीलाई ४-० ले हराएको छ। इस्ट बंगाललाई जित दिलाउन फाजिला इक्वापुटले २ , सुलञ्जना राउल र रेस्टी नान्जिरीले समान १ गोल गरिन्। फाजिलाले ३५ औं मिनेटमा गोल […]
