अमेरिका महिला भलिबलको फाइनलमा

एजेन्सी – अमेरिका टोकियो ओलम्पिक २०२० अन्तरगतको महिला भलिबलको फाइनलमा प्रवेश गरेको छ । सर्वियामाथि ३–० को सोझो सेटमा जित निकाल्दै अमेरिका स्वर्णनजिक पुगेको हो ।

एरिएक एरिनामा शुक्रबार भएको एकपक्षीय खेलमा पहिलो सेट २५–१९ ले आफ्नो पक्षमा पारेको अमेरिकाले दोस्रो सेट २५–१५ ले सहजै जित्दै जिततर्फ अघि बढेको थियो । तेस्रो सेटमा सुरुवातदेखि नै पछि परेको सर्वियाले लगातार चुनौती दिएपनि अमेरिकाले २५–२३ ले आफ्नो पक्षमा पार्दै फाइनलमा पुग्न सफल भयो ।

अमेरिकाको जितमा ड्रिउसले १७ तथा लार्सनले १५ अंकको योगदान दिइन् । अमेरिकाले स्पाइकबाट ४०, ब्लकबाट १२ र सर्भिसबाट ६ अंक जोड्दा विपक्षीको गल्तीबाट १७ अंक पाएको थियो । सर्वियाले स्पाइकबाट ३२, ब्लकबाट ८ र विपक्षीको गल्तीबाट १७ अंक जोडेपनि हार टार्न सकेन ।

अब अमेरिकाले स्वर्णका लागि ब्राजिल र दक्षिण कोरियाबीचको विजेतासँग ८ अगस्टमा प्रतिस्पर्धा गर्नेछ । यि दुई टोलीबीचको खेल आज साँझ हुदैछ । सोही दिन सर्वियाले तेस्रो स्थानको लागि ब्राजिल र दक्षिण कोरियाबीचको उपविजेतासँग खेल्नेछ ।