3 years ago
August 6, 2021
काठमाडौं (हाम्रो खेलकुद) – वरिष्ठ ब्याडमिन्टन अम्पायर उदय अर्यालले टोकियो २०२० पारालिम्पिक अन्तर्गत ब्याडमिन्टनमा नेपालको तर्फबाट सहभागिता जनाउने भएका छन् । उनले अगस्ट २४ देखि सेप्टेम्बर ५ सम्म चल्ने पारालिम्पिकमा ब्याडमिन्टनको लाईन जजको भूमिका निर्वाह गर्नेछन् । पारालिम्पिकका लागि अर्याल १२ भदौमा त्यसतर्फ प्रस्थान गर्नेछन् । २१ भदौमा फर्कने तालिका छ । त्यसअघि उनले एक […]
काठमाडौं (हाम्रो खेलकुद) – वरिष्ठ ब्याडमिन्टन अम्पायर उदय अर्यालले टोकियो २०२० पारालिम्पिक अन्तर्गत ब्याडमिन्टनमा नेपालको तर्फबाट सहभागिता जनाउने भएका छन् ।
उनले अगस्ट २४ देखि सेप्टेम्बर ५ सम्म चल्ने पारालिम्पिकमा ब्याडमिन्टनको लाईन जजको भूमिका निर्वाह गर्नेछन् । पारालिम्पिकका लागि अर्याल १२ भदौमा त्यसतर्फ प्रस्थान गर्नेछन् । २१ भदौमा फर्कने तालिका छ । त्यसअघि उनले एक साता निरन्तर पीसीआर परिक्षण गर्नेछन्।
विश्व ब्याडमिन्टन महासंघ (बिडब्लुएफ) ले अम्पायर अर्याललाई सन् २०१९ मा नै खेलको यस महाकुम्भका लागि निजलाई चयन गरिसकेको थियो । तर कोरोना महामारीका कारण गत वर्ष ओलम्पिकसँगै पारालिम्पिक तोकिएको समयमा हुन सकेन ।
यससँगै उनी पारालिम्पिक ब्याडमिन्टनमा सहभागी हुने पहिलो नेपाली बन्ने भएका छन् । पाराल्याम्पिकमा ब्याडमिन्टन र तेक्वान्दो पहिलोपटक समावेश गरिएको विधा हो ।
अर्यालले वि.स. २०४४ देखि पाल्पाको तानसेन बाट राष्ट्रिय ब्याडमिन्टन आम्पायरिङ सुरु गरेका थिए । २०५२ मा बर्माको राजधानी रंगुनमा अन्तर्राष्ट्रिय ब्याडमिन्टन महासंघ द्वारा आयोजित अन्तर्राष्ट्रिय ब्याडमिन्टन अम्पायरको आधारभूत तालिममा समावेश भई ८५% अंक प्राप्त गरी उत्तिर्ण भएका थिए ।
२०५७ मा जापानको क्योटो शहरमा आयोजित जुनियर एशियन ब्याडमिन्टन च्याम्पियनसिपमा नेपालबाट अम्पायरको रुपमा सहभागी भई एशियाली ब्याडमिन्टन महासंघको अन्तर्राष्ट्रिय ब्याडमिन्टन अम्पायर कोर्षमा सफलता हासिल गरि आधिकारिक रुपमा नेपाल को तेस्रो अन्तर्राष्ट्रिय ब्याडमिन्टन अम्पायर बन्न सफल भएका थिए । २०७६ मा ब्याडमिन्टन वल्ड फेडेरेसनले उनलाई सर्टिफाइड अन्तर्राष्ट्रिय लाइन जजको मान्यता दिएको थियो ।
उनी २०४४ देखि हालसम्म ब्याडमिन्टन च्याम्पियनसिपमा टेक्निकल अफिसियलको रुपमा कार्यहरु गरिरहेका छन् । उनले ब्याडमिन्टन टेक्निकल अफिसियलको रुपमा बर्मा, जापान, चीन, मकाउ, थाइल्याण्ड, सिंगापुर, मलेसिया, भारत, बांग्लादेश, हङकङ र पोल्याण्ड लगायतको देश भ्रमण गरिसकेका छन् ।
April 28, 2024
एजेन्सी – जारी इंडियन प्रिमियर लिग (आईपिएल) को शीर्ष स्थानमा रहेको राजस्थान रोयल्सले अंकदूरी बढाएको छ । नवौं खेलमा आठौ जित दर्ता गर्ने क्रममा राजस्थानले लखनऊ सुपर जाएन्ट्स माथि ७ विकेटको सहज जित दर्ता गरेको हो । लखनऊले दिएको १९७ रनको लक्ष्य पछ्याएको राजस्थानले ६ बल बाँकी छँदै लक्ष्य ३ विकेट मात्र गुमाएर भेटायो । […]
April 27, 2024
एजेन्सी – इंग्लिश प्रिमियर लिग उपाधि दावेदार मानिएको लिभरपुल लाई उपाधि आकांक्षामा अर्को धक्का लागेको छ । पछिल्लो समय खराब लयमा रहेको लिभरपुल आज भएको खेलमा वेस्ट ह्याम विरुद्ध २-२ को बराबरीमा रोकिएको हो । पछि परेको अवस्था उल्ट्याउँदै अग्रता लिएको लिभरपुल अन्तिममा भने बराबरीमा रोकियो । ४३औं मिनेटमा जेरड बावेनले मोहम्मद कुडुसको क्रसमा हेडर […]
April 27, 2024
काठमाडौं (हाम्रो खेलकुद) – च्याम्पियन नेपाल एपिएफ क्लबकी स्पाइकर निरुता ठगुन्ना सातौं केएनपी नेरोलेक राष्ट्रिय महिला भलिबल प्रतियोगिताको सर्वाेत्कृष्ट खेलाडी घोषित भएकी छिन् । एपिएफलाई अपराजित रहेर च्याम्पियन बनाउन निरुताले सबै खेलमा सानदार प्रदर्शन गरेकी थिइन् । सर्वाेत्कृष्ट बनेसँगै निरुताले ५० हजार रुपैयाँसँगै ट्रफी प्राप्त गरेकी छिन् । व्यक्तिगत विधामा पनि च्याम्पियन एपिएफकै खेलाडीको वर्चश्व […]
