ब्राजिल महिला भलिबलको फाइनलमा

एजेन्सी – उपाधि दावेदार ब्राजिल टोकियो ओलम्पिक २०२० अन्तरगतको महिला भलिबलतर्फ फाइनलमा प्रवेश गरेको छ ।

शुक्रबार भएको दोस्रो सेमिफाइनलमा एसियन प्रतिद्धन्द्धी दक्षिण कोरियामाथि ३–० को सोझो सेटमा सहज जित हात पार्दै ब्राजिलले फाइनलमा स्थान पक्का पक्का गरेको हो ।

अब ब्राजिलले उपाधिको लागि अमेरिकासँग खेल्नेछ । अमेरिकाले शुक्रबारै सर्वियामाथि ३–० को सोझो सेटमा जित निकाल्दै फाइनलमा स्थान बनाएको छ । फाइनल आइतबार हुनेछ । सोही दिन तेस्रो स्थानको लागि सर्विया र दक्षिण कोरियाबीच प्रतिस्पर्धा हुनेछ ।

एरिएक एरिनामा एकपक्षीय बनेको खेलमा ब्राजिलले पहिलो र दोस्रो सेटमा समान २५–१६ र २५–१६ को सहज जित हात पारेको थियो । तेस्रो सेटमा पनि ब्राजिलले २५–१६ को सहज जित हात पार्न सफल भयो ।

ब्राजिलको सहज जितमा फे गारेले १७ तथा गावीले सर्वाधिक १२ अंकको योगदान दिइन् । ब्राजिलले स्पाइकबाट ४०, ब्लकबाट १५ र सर्भिसबाट ४ अंक जोड्दा विपक्षीको गल्तीबाट १६ अंक जोडेको थियो । दक्षिण कोरियाका लागि किम योन कुङ र पार्क जिओनगाले समान १०–१० अंकको योगदा दिएपनि हार टार्न सकिनन् ।