default_image

2 years ago

September 30, 2021

लुम्विनीमाथि ढुकुको जित

पोखरा (हाम्रो खेलकुद) – ढुकु फुटसल हव काठमाडौंले ‘ए’ डिभिजन राष्ट्रिय फुटसल लिगमा लुम्विनी फुटसललाई पराजित गरेको छ । ढुकुले लुम्विनीमाथि ५–२ को फराकिलो जित निकालेको हो । पोखरास्थित बहुउद्देश्यीय कभर्डहलमा बिहीबार भएको खेलमा ढुकुको जितमा विक्रान्त नरसिंह राणा र प्रसिद्ध मगरले समान दुई–दुई गोल गर्दा अभय रानाले एक गोल थपे । लुम्बिनीका अनोज गैरेले […]

82 views

0 Bookmark

पोखरा (हाम्रो खेलकुद) – ढुकु फुटसल हव काठमाडौंले ‘ए’ डिभिजन राष्ट्रिय फुटसल लिगमा लुम्विनी फुटसललाई पराजित गरेको छ । ढुकुले लुम्विनीमाथि ५–२ को फराकिलो जित निकालेको हो ।

पोखरास्थित बहुउद्देश्यीय कभर्डहलमा बिहीबार भएको खेलमा ढुकुको जितमा विक्रान्त नरसिंह राणा र प्रसिद्ध मगरले समान दुई–दुई गोल गर्दा अभय रानाले एक गोल थपे । लुम्बिनीका अनोज गैरेले दुवै गोल गरेपनि हार टार्न सकेन ।

जारी लिगमा ढुकुको यो दोस्रो जित हो । पहिलो खेलमा सविन मेमोरियललाई हराएको ढुकुले त्यसपछि पाँच खेलसम्म जित निकाल्न सकेको थिएन । जसमा ५ हार र १ बराबरीको नजिता छ । यो जितपछि ढुकु ७ खेलबाट ७ अंक जोडेर सातौ स्थानमा रहेको छ । पराजित लुम्विनी ४ अंकसहित नवौं स्थानमा रहेको छ ।

यस्तै अर्काे खेलमा फुटसल फाइभले दि राइजिङ क्लब धरानलाई ७–५ ले पराजित गरेको छ । फुटसल फाइभको जितमा सरोज तामाङले ह्याट्रिक पुरा गर्दा विजय श्रेष्ठले दुई तथा रन्जित गुरुङ र प्रवेश जोशीले समान एक गोल गरे । राइजिङका सुदिप गुरुङले दुई तथा दोर्जे तामाङ, मिलन राई र हेमन्त थापामगरले गोल गरेपनि हार टार्न सकेन ।

जितपछि फुटसल फाइभ धरान ७ खेलबाट १४ अंक जोडेर तेस्रो स्थानमा उक्लिएको छ । शंखमुलसँग समान अंक रहेपनि फुटसल फाइभ गोल अन्तरमा पछि छ । पराजित राइजिङ ७ खेलबाट १३ अंक जोडेर चौथो स्थानमा झरेको छ ।

लिगमा शुक्रबार दुई खेल हुनेछ । सविन मेमोरियल र स्पोर्ट्स क्यासल, शंखमुल र स्काई गोल्स तथा झरना र प्रभातफेरी युथ क्लबबीच प्रतिस्पर्धा हुनेछ ।

लिगमा सहभागी १० टोलीले एकल राउन्ड रोविन लिगबाट शीर्ष चार टोलीले प्ले अफमा स्थान बनाउनेछन् । पहिलो प्लेअफको विजेताले फाइनलमा स्थान बनाउने छ । तेस्रो र चौथो हुने टोलीबीच दोस्रो प्लेअफमा प्रतिस्पर्धा हुनेछ । एलिमिनेटरमा पहिलो प्लेअफमा पराजित हुने टोली र दोस्रो प्लेअफको विजेताले फाइनल प्रवेशका लागि खेल्नेछन् ।

लिगको विजेताले १० लाख रुपैयाँ पाउनेछ भने उपविजेताले ५ लाख रुपैयाँ पाउनेछ । लिगको विंगर (एएलए–पिभोट), डिफेन्डर (फिक्सो), उदियमान खेलाडी, गोलरक्षक र प्रशिक्षकले समान २५ हजार पाउनेछन् ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.