default_image

2 years ago

October 30, 2021

गल्फका सुवास र युवराज दुबई जाँदै

काठमाडौं (हाम्रो खेलकुद)– १३ औं दक्षिण एसियाली खेलकुद (साग) का दोहोरो स्वर्ण पदक विजेता सुवास तामाङ र युवराज भुजेलले दुवईमा आयोजना हुने एसिया प्यासिफिक च्याम्पियनसिपमा भाग लिने भएका छन् । एसिया प्यासिफिक गल्फ महासंको निमन्त्रणमा सुवास र युवराज त्यसतर्फ जान लागेको हुन् । कात्तिक १७ गते देखि २० गते सम्म आयोजना हुने च्याम्पियनसिपमा भाग लिन […]

49 views

0 Bookmark

काठमाडौं (हाम्रो खेलकुद)– १३ औं दक्षिण एसियाली खेलकुद (साग) का दोहोरो स्वर्ण पदक विजेता सुवास तामाङ र युवराज भुजेलले दुवईमा आयोजना हुने एसिया प्यासिफिक च्याम्पियनसिपमा भाग लिने भएका छन् ।

एसिया प्यासिफिक गल्फ महासंको निमन्त्रणमा सुवास र युवराज त्यसतर्फ जान लागेको हुन् । कात्तिक १७ गते देखि २० गते सम्म आयोजना हुने च्याम्पियनसिपमा भाग लिन उनीहरु आइतबार त्यसतर्फ प्रस्थान गर्ने नेपाल गल्फ संघले जनाएको छ । कात्तिक १५ र १६ मा अभ्यास गरेपछि उनीहरुले प्रतियोगितामा भाग लिनेछन् ।

सन् २०१० देखि नै नेपाली खेलाडीले एसिया प्यासिफिक च्याम्पियनसिपमा भाग लिदै आइरहेका छन् । गत वर्ष भने कोभिडका कारण च्याम्पियनसिप हुन नसकेको बताइएको छ । सुबासले १३ औं सागमा दाहोरो स्वर्ण पदक जितेका थिए । उनी एमेच्योरतर्फको विश्व वरियतामा ३ सय एकौं स्थानमा छन् । युवराज भने ३ हजार ८ सय ५८ औं स्थानमा रहेका छन् ।

संघले शनिबार उनीहरुलाई विदाई गरेको छ । संघिय सांसद समेत रहेका नेपाल ओलम्पिक कमिटी (एनओसी) का अध्यक्ष जीवनराम श्रेष्ठ, संघका अध्यक्ष तासी घले र गल्फको राष्ट्रिय टोलीको प्रायोजक केल्मी नेपालका निर्देशक प्रदीप न्यौपानेले खेलाडीलाई विदाई गरे ।

एनओसी अध्यक्ष श्रेष्ठले १३ औं सागमा गल्फले स्वर्ण पदक जित्दै नेपाली खेलकुदमा नयाँ अध्यायको सुरुवात गरेको स्मरण गरे । उनले विगतमा नेपालले मार्सल आर्टस्मा बढी सफलता प्राप्त गर्ने गरे प्रसंग कोट्याउँदै अन्य खेलको विकासका लागि पनि नीति निर्माताहरुले ध्यान दिनुपर्नेमा जोड दिए ।

एनओसी अध्यक्ष श्रेष्ठले अर्को प्रसंगमा अर्को वर्ष आयोजना हुने एसियाली खेलकुदको तयारीका लागि चाँडै सरकारसँग छलफल गर्ने बताए । उनले भने,‘ कुन कुन खेललाई प्राथमिकतामा राख्नेलगायतका विषयमा हामी युवा तथा खेलकुद मन्त्रीसँग छलफल गर्नेछौं । सहभागिता मात्र होइन सफलता प्राप्त गर्ने हिसाबले तयारी गरेर जानुपर्ने आवश्यकता छ । कार्यक्रममा केल्मी नेपालका निर्देशक न्यौपानेले खेलाडीहरुलाई केल्मीकोतर्फबाट पोशाकलगायतका सामाग्री हस्तान्तरण गरेका थिए ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.