5 years ago
September 21, 2019
काठमाडौं (हाम्रो खेलकुद) – नेपाली पुरुष राष्ट्रिय भलिबल टोलीका कप्तान इमबहादुर रानामगर सम्मानित भएका छन् । समाजमा युवामाझ प्रभावशाली भूमिका निर्वाह गरेकोमा उनलाई प्रगतिशील युवा नेपाल गोरखा काठमाडौंले शनिबार सम्मान गरेको हो ।
इमलाई सर्वाधिक धनराशिको प्रथम प्रकाश दाहाल स्मृति प्रगतिशिल युवा नेपाल कप राष्ट्रिय भलिबल प्रतियोगिताको फाइनल दौरान आयोजकले दोसल्ला र सम्मान पत्रले सम्मानित गरेको हो । प्रगतिशलि युवा नेपालका अध्यक्ष दीपक थापाले दोसल्ला तथा प्रमुख अतिथि गोरखा क्षेत्र नम्बर २ का प्रतिनिधि सभा सांसद चुडामणि खड्काले इमलाई सम्मानपत्र प्रदान गरे ।
सम्मानपत्रमा इमले भलिबल क्षेत्रमा लागेर लामो समयसम्म नेपालको कप्तानी सम्हाल्दै विदेशिने युवाहरुलाई भलिबल क्षेत्रमा लाग्न उर्जा प्रदान गरेको उल्लेख गरिएको छ । यस्तै सम्मान पत्रमा इमका जीवनकाललाई हेरी भोलिका दिनहरुमा नयाँ पुस्ताहरुलाई खेल क्षेत्रमा लाग्न थप उर्जा मिल्ने आशा गरिएको समेत उल्लेख गर्दै भलिबल खेललाई जगेर्ना गर्न गरिएको विविध कार्यको उच्च मुल्याङ्कन गर्दै सम्मान प्रदान गरिएको आयोजकले जनाएको छ ।
इमले २०७२ सालदेखि नेपाली टोलीको कप्तानी गरिरहेका छन् । उनकै कप्तानीमा नेपालले दुई वर्षअघि एभीसी एसियन सेन्ट्रल जोन भलिबल च्याम्पियनसिपमा ऐतिहासिक कास्यपदक जितेको थियो । शनिबार सम्पन्न फाइनल खेलमा इमको कप्तानीमा नेपाल पुलिस क्लब सर्वाधिक धनराशिको भलिबल प्रतियोगिताको च्याम्पियन बन्न सफल भएको थियो ।
च्याम्पियन बन्ने क्रममा पुलिसले आर्मीलाई ३–० को सोझो सेटमा हराएको थियो । उनी प्रतियेगिताको उत्कृष्ट सेटरसमेत चुनिएका थिए । उनले १० हजार रुपैया पाए । आयोजक प्रगतिशिल युवा नेपाल खेलसँगै गरिव असहाय तथा विभिन्न कोणबाट पीडित भएका समुदायको हक र अधिकारका लागि स्थापित संस्था हो ।
May 28, 2024
भक्तपुर (हाम्रो खेलकुद)– दोलखाका आशिष फुयाल गोपाल खागी स्मृति ब्लिट्ज रेटिङ बुद्धिचाल प्रतियोगिताको उपाधि जितेका छन् । नेपाल ईको पानलको आयोजनामा भएको प्रतियोगिताको नवौ चरणको खेलमा आषिशले ७ जित र एक बराबरी गरि साढे ७ अंक सहित उपाधि हात पारेका हुन् । एकदिने प्रतियोगिता फाइनल चरणको खेलमा युवा खेलाडी काठमाडौका पुरुषोत्तम सिलवालसंग पराजित भएका थिए। […]
May 28, 2024
काठमाडौं (हाम्रो खेलकुद)– नेपाल गल्फ संघले वार्षिक साधारण सभाको अवसरमा पूर्व नम्बर एक एमेच्योर गल्फर सुवाश तामाङ र पत्रकार श्याम चित्रकारलाई सम्मान गरेको छ । नेपाल ओलम्पिक कमिटी (एनओसी) का अध्यक्ष जीवनराम श्रेष्ठले सुवाशलाई सम्मान पत्र र एक लाख रुपैयाँ सहित सम्मान गरेको हो । उनले गल्फ संघले ७५ हजार र संघका उपाध्यक्ष फुर्साङ लामाले […]
May 28, 2024
काठमाडौं (हाम्रो खेलकुद) – राष्ट्रिय खेलकुद परिषद् (राखेप) ले गणतन्त्र दिवसका अवसरमा विभिन्न ४ खेलका ८ खेलाडीलाई मंगलबार नगदसहित पुरस्कृत गरेको छ । एथलेटिक्स र शारीरिक सुगठनका समान ३ तथा मुवाँथाई र उसुका समान १ खेलाडीलाई प्रोत्साहन पुरस्कार प्रदान गरिएको हो । एथलेटिक्सबाट सन्तोषी श्रेष्ठ, राजपुरा पछाईं र राममाया बूढा पुरस्कृत भए । सन्तोषीले गत […]