4 years ago
November 11, 2019
काठमाडौं (हाम्रो खेलकुद) – सागको तयारीमा रहेको नेपाली राष्ट्रिय बिच भलिबल खेलाडी मान बहादुर श्रेष्ठ र सन्जु विक्रम शाहको जोडीले अभ्यास खेलमा जित निकालेको छ । श्रीलंकाको नेगोम्वो बिच भलिबल कोर्टमा सोमबार भएको खेलमा मान र सन्जुको जोडीले सागकै लागि बन्द प्रशिक्षणमा रहेको श्रीलंकाका खेलाडीलाई २–० को सेटमा पराजित गरेको हो । मान र सन्जुको […]
काठमाडौं (हाम्रो खेलकुद) – सागको तयारीमा रहेको नेपाली राष्ट्रिय बिच भलिबल खेलाडी मान बहादुर श्रेष्ठ र सन्जु विक्रम शाहको जोडीले अभ्यास खेलमा जित निकालेको छ ।
श्रीलंकाको नेगोम्वो बिच भलिबल कोर्टमा सोमबार भएको खेलमा मान र सन्जुको जोडीले सागकै लागि बन्द प्रशिक्षणमा रहेको श्रीलंकाका खेलाडीलाई २–० को सेटमा पराजित गरेको हो । मान र सन्जुको जोडीले श्रीलंकाली जोडीमाथि २१–१८ र २१–१९ को जित निकालेको हो ।
अभ्यास र प्रशिक्षणका क्रममा बिच भलिबल टोलीले आफ्नो जोडीसँग खेल्नुका साथै अर्काे जोडी बनाएर खेलेका थिए । त्यस्तै दिल सुनार र राजु विकेको जोडी श्रीलंकाली जोडीमाथि २–१ को सेटमा पराजित भएको छ । पहिलो सेट २१–१५ ले जितेको दिल र राजुको जोडीले दोस्रो र तेस्रो सेट २१–१८ र १५–१३ ले गुमाएको थियो ।
यस्तै उनीहरुको नियमित जोडी मान र दिलको जोडी २२–२० र २१–१८ ले तथा सन्जु र राजुको जोडी २२–२०, २१–१९ र १५–१३ ले पराजित भयो ।
मानबहादुर श्रेष्ठले श्रीलंकाको बालुवामा अभ्यासले अनुभव बटुल्ने अवसर मिलेको बताए । ‘यहाँको बालुवमा नेपाली खेलाडीले सोचेभन्दा राम्रो प्रशिक्षण गरेको छ । राम्रो टोलीसँगै अभ्यास खेल खेल्ने मौका पाएको छ ।’ श्रीलंकाबाट खेलाडी मानले भने, ‘सागका लागि राम्रो तयारी भएको छ । यहाँको अभ्यासको अनुभव घरेलु भुमिमा हुने १३औं सागमा पस्कनेछौं ।’
महिलातर्फ नेपालका दुवै टोलीले सागका लागि बन्द प्रशिक्षणमा रहेका श्रीलंकन राष्ट्रिय टिमका खेलाडीसाग हार भोगिन् । कोपिला उप्रेती र मनिष चौधरीको जोडी २१–१७ र २१–१९ ले तथा विनिता बुढाथोकी र नेविका चौधरीको जोडी २१–१६ र २२–२० ले पराजित भइन् ।
नेपाली टोलीले मंगलबार श्रीलंकामा अन्तिम प्रशिक्षण तथा अभ्यास खेल खेल्नेछ । १० दिनको लागि विशेष प्रशिक्षण र अभ्यास खेलका लागि नेपाली टोली १७ कात्तिकमा श्रीलंका पुगेको थियो । नेपाली टोली बुधबार स्वदेश फर्कनेछ ।
बिच भलिबलमा पुरुषतर्फ मानबहादुर श्रेष्ठ, दिल सुनार, सञ्जु बिक्रम शाह र राजु बिके छन् । महिलामा बिनिता बुढाथोकी, नेविका चौधरी, कोपिला उप्रेती र मनिषा चौधरी रहेका छन् ।
पुरुष टिम प्रशिक्षकमा सुदेश कुमार रिमाल र महिला टिम प्रशिक्षकमा कौशिला खत्री रहेका छन् । व्यवस्थापकमा जितेन्द्र श्रेष्ठ र श्रीराम बोगटी छन् ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]