4 years ago
November 12, 2019
ढाका (हाम्रो खेलकुद) – उपाधिको दावेदार नेपालले आज एभीसी एसियन सेन्ट्रल जोन सिनियर महिला भलिबल च्याम्पियनसिपको तेस्रो खेलमा आज घरेलु टोली बंगलादेशसँग खेल्दैछ । आजको खेल जितेमा नेपाल प्रतियोगिताको फाइनलमा प्रवेश गर्नेछ । खेल नेपाली समयअनुसार दिउसो २ः४५ बजे ढाकास्थित शहिद शुरवार्दी इन्डोर हलमा हुनेछ । शुरुवाती दुई खेलमा एक सेट पनि नगुमाई अपराजित रहेको […]
ढाका (हाम्रो खेलकुद) – उपाधिको दावेदार नेपालले आज एभीसी एसियन सेन्ट्रल जोन सिनियर महिला भलिबल च्याम्पियनसिपको तेस्रो खेलमा आज घरेलु टोली बंगलादेशसँग खेल्दैछ ।
आजको खेल जितेमा नेपाल प्रतियोगिताको फाइनलमा प्रवेश गर्नेछ । खेल नेपाली समयअनुसार दिउसो २ः४५ बजे ढाकास्थित शहिद शुरवार्दी इन्डोर हलमा हुनेछ । शुरुवाती दुई खेलमा एक सेट पनि नगुमाई अपराजित रहेको नेपाली सोही जितलाई निरन्तरता दिने लक्ष्यसहित घरेलु टोलीविरुद्ध कोर्टमा उत्रदैछ । नेपाल घरेलु टोलीलाई पराजित गर्दै च्याम्पियसिपको फाइनल पुग्ने लक्ष्यमा हुनेछ । आजै पहिलो खेलमा किर्गिस्तान र अफगानिस्तानबीच प्रतिस्पर्धा हुनेछ ।
नेपालले पहिलो खेलमा २५–४, २५–९ र २५–६ को तथा दोस्रो खेलमा किर्गिस्तानमाथि २५–१५, २५–१९ र २५–२० को जित निकालेको थियो । रिसिभ र ब्लक राम्रो नहुँदा नेपालले किर्गिस्तानविरुद्ध अंक गुमाएको थियो । त्यसलाई सुधार्दै नेपाल बंगलादेशविरुद्ध कोर्टमा उत्रनेछ । किर्गिस्तानविरुद्ध पनि टोलीकी भरपर्दा सदस्य प्रतिभा मालीले उच्च प्रदर्शन गरेकी थिइन् । चोटका बाबजुद पनि तेस्रो सेटमा कोर्टमा छिरेकी ओपन स्पाइकर सरस्वती चौधरीले आफ्नो स्तरको प्रदर्शन गरेकी थिइन् । नयाँ खेलाडीहरु सुनिता खड्का, साफिया पुन, निरुता ठगुन्नाले पनि राम्रो खेल पस्किए । घरेलु टोलीविरुद्ध प्रतिभा नै टोलीको मुख्य हतियार हुनेछिन् । टोलीलाई निरुता ठगुन्ना र सुनिता खड्काको पनि साथ हुनेछ ।
यता, घरेलु समर्थकको साथ रहने बंगलादेश नेपाललाई निराश बनाउने लक्ष्यमा कोर्टमा उत्रनेछ । बंगलादेश दोस्रो जित निकाल्दै फाइनल पुग्ने सम्भावनालाई जीवितै राख्ने लक्ष्यमा हुनेछ । बंगलादेशले पहिलो खेलमा अफगानिस्तानलाई २५–९, २५–९ र २५–३ को सहज जित निकालेपनि दोस्रो खेलमा माल्दिभ्ससँग २५–१६, २७–२५ र २५–२२ ले पराजित भएको थियो । बंगलादेशलाई फाइनल पुग्ने सम्भावना जीवित राख्न नेपाललाई पराजित गर्नेपर्ने हुन्छ ।
लगातार तेस्रो जित निकालेको माल्दिभ्स ८ अंक जोडेर शीर्षस्थानमा छ । अपराजित रहेको नेपाल दुई खेलमा जित निकाल्दै ६ अंक जोडेर दोस्रो स्थानमा छ । ३ अंक जोडेको बंगलादेश तेस्रो तथा १ अंकसहित किर्गिस्तान चौथो स्थानमा छ । तीनै खेलमा पराजित भएको अफगानिस्तान अंकविहीन हुदै च्याम्पियनसिपबाट बाहिरिएको छ ।
राउन्ड रोविन लिगपछि शीर्ष दुई टोलीले बिहीबार उपाधिका लागि खेल्नेछ । सोही दिन तेस्रो र चौथो स्थानको प्ले अफ हुनेछ । च्याम्पियनसिपका सबै खेलहरु शहिद शुरवार्दी इन्डोर स्टेडियम मिरपुर ढाकामा भइरहेको छ ।
April 26, 2024
काठमाडौं (हाम्रो खेलकुद)- निरज तामाङले कोर्स रेकर्ड बराबरी गर्दै समग्रमा ८-अन्डर २ सय ६४ को स्कोरमा भुवन नगरकोटीलाई एक स्ट्रोकले हराउँदै शुक्रबार सूर्य नेपाल काठमाडौं ओपनको उपाधि जितेका छन्। उनको यो करियरको पहिलो प्रमुख उपाधि हो। सूर्य नेपाल काठमाडौं ओपनको अन्तिम दिन धरानका प्रो निरजले ८-अन्डर ६० को सानदार नतिजामा शिवराम श्रेष्ठको कोर्स रेकर्ड बराबरी […]
April 26, 2024
ललितपुर (हाम्रो खेलकुद)- नेपाल लोकतान्त्रिक खेलकुद संघ स्थापना दिवसको उपलक्ष्यमा नवौं गणेशमान सिंह स्मृति राष्ट्रिय रेटिङ चेस प्रतियोगिता शुक्रबार सुरु भएको छ। नेपाली काँग्रेस पार्टी कार्यालय सानेपामा प्रारम्भ भएको प्रतियोगितामा देशभरका १ सय १२ खेलाडीको सहभागिता छ। पहिलो पुरस्कार यामाहा सलुटो मोटरसाइकल सहित कुल ६ लाख ३७ हजार ४ सय रुपैयाँ पुरस्कार रहेको प्रतियोगितामा कपिलवस्तु जिल्लाका […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]