4 years ago
November 12, 2019
ढाका (हाम्रो खेलकुद) – एभीसी एसियन सिनियर महिला सेन्ट्रल जोन भलिबल च्याम्पियनसिपको फाइनल पुग्ने दुवै टोलीको टुंगो लागेक छ । प्रतियोगिताको चौथो दिन मंगलबार नेपालले आयोजक बंगलादेशलाई हराएपछि अपराजित दुई टोली नेपाल र माल्दिभ्स फाइनल प्रवेश गरेका हुन् । नेपालले बंगलादेशमाथि सोझो सेटमा जित हात पार्ने क्रममा प्रतियोगिताकै उत्कृष्ट प्रदर्शन गरेको हो । नेपालले तीनै […]
ढाका (हाम्रो खेलकुद) – एभीसी एसियन सिनियर महिला सेन्ट्रल जोन भलिबल च्याम्पियनसिपको फाइनल पुग्ने दुवै टोलीको टुंगो लागेक छ । प्रतियोगिताको चौथो दिन मंगलबार नेपालले आयोजक बंगलादेशलाई हराएपछि अपराजित दुई टोली नेपाल र माल्दिभ्स फाइनल प्रवेश गरेका हुन् ।
नेपालले बंगलादेशमाथि सोझो सेटमा जित हात पार्ने क्रममा प्रतियोगिताकै उत्कृष्ट प्रदर्शन गरेको हो । नेपालले तीनै सेटमा एकपक्षीय प्रदर्शन गर्दै २५-७, २५-६, २५-६ को जित दर्ता गरेको हो । दोस्रो सेटमा एक समय नेपालले १५-० को अग्रता बनेको थियो । नेपालका लागि पहिलो सेटमा सरस्वती चौधरीले उत्कृष्ट प्रदर्शन गर्दै स्पाइकबाट नै ७ अंक जोडेकी थिइन् । दोस्रो सेटमा कप्तान अरुणा शाहीको सर्भिस घरेलु टोलीलाई निकै बलियो सावित भयो । तेस्रो सेटमा निरुता ठगुन्ना र प्रतिभा मालीले नेपालको सहज जित सुनिश्चित गरेका थिए ।
नेपालले पहिलो खेलमा अफगानिस्तानमाथि सहज जित दर्ता गरेको थियो । तीनै सेटमा नेपालले अफगानी टोलीलाई दोहोरो अंक जोड्न दिएन । दोस्रो खेलमा किर्गिस्तानविरुद्ध सुरुवाती समयमा केहि मिहिनेत गर्नुपरेको नेपाली टोलीले सहज जित नै दर्ता गर्यो । नेपालले अब लिग चरणको अन्तिम खेलमा माल्दिभ्सको सामना गर्दैछ ।
यता माल्दिभ्सले पहिलो खेलमा किर्गिस्तानमाथि निकै कठिन जित निकालेको थियो । पाँचौ सेटमा पुगेको खेलमा किर्गिस्तानले अन्तिम समयमा लय गुमाउँदा माल्दिभ्सले जित पक्का गरेको थियो । सोहि जित माल्दिभ्स र किर्गिस्तानबीच फाइनल खेल्ने टोलीको निर्णायक अंक बन्न पुग्यो । उक्त खेलमा किर्गिस्तानले एक समय खेलमा बलियो पकड जमाएपनि त्यसलाई सदुपयोग गर्न सकेको थिएन ।
अंक तालिकामा नेपाल लगातार तेस्रो सोझो सेटको जितसँगै ९ अंक जोड्दै शीर्षस्थानमा छ । तीन खेल जितेको माल्दिभ्सको ८ अंक छ । किर्गिस्तानको ४ अंक छ भने बंगलादेशको ३ अंक छ । अंकविहिन अफगानिस्तान सबै ४ खेलमा पराजय बेहोर्दै घर फर्किएको छ । अब लिग चरणको अन्तिम दिन र प्रतियोगिताको तेस्रो स्थान र विजेता छिनोफानो हुने खेल दोहोरिने भएको छ ।
बुधबार लिग चरणको अन्तिम खेलमा नेपाल र माल्दिभ्स तथा किर्गिस्तान र बंगलादेश खेल्नेछन् । बिहीबार हुने उपाधि भिडन्तमा नेपालले माल्दिभ्ससँग खेल्नेछ भने तेस्रो स्थानका लागि आयोजक बंगलादेश र किर्गिस्तान भिड्नेछन् ।
April 25, 2024
काठमाडौं (हाम्रो खेलकुद) – साविक उपविजेता विभागीय नेपाल एपिएफ क्लबले सातौं केएनपी नेरोलेक राष्ट्रिय महिला भलिबल प्रतियोगितामा अर्काे विभागीय टोली त्रिभुवन आर्मी क्लबमाथि रोमाञ्चक जित निकाल्दै फाइनल पुग्ने सम्भावना बलियो बनाएको छ । एपिएफले आर्मीलाई ३–२ को सेटमा पराजित गर्दै फाइनल पुग्ने सम्भावना बलियो बनाएको हो । सुरुवाती दुई सेट जितेको एपिएफले त्यसपछि लगातार दुई […]
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]