4 years ago
November 13, 2019
ढाका (हाम्रो खेलुकद) – उपाधिको बलियो दावेदारिता प्रस्तुत गरिरहेको नेपाली राष्ट्रिय महिला भलिबल टिमले प्रथम एभीसी एसियन सेन्ट्रल जोन सिनियर महिला भलिबल च्याम्पियनसिपमा आज (बुधबार) राउन्ड रोविन लिगको अन्तिम खेलमा माल्दिभ्ससँग खेल्दैछ । खेल नेपाली समय अनुसार दिउसो १२ः४५ बजेपछि ढाका मिरपुरस्थित शहिद शुरवार्दी इन्डोर हलमा हुनेछ । नेपाल र माल्दिभ्सले नै बिहीबार उपाधिका लागि […]
ढाका (हाम्रो खेलुकद) – उपाधिको बलियो दावेदारिता प्रस्तुत गरिरहेको नेपाली राष्ट्रिय महिला भलिबल टिमले प्रथम एभीसी एसियन सेन्ट्रल जोन सिनियर महिला भलिबल च्याम्पियनसिपमा आज (बुधबार) राउन्ड रोविन लिगको अन्तिम खेलमा माल्दिभ्ससँग खेल्दैछ ।
खेल नेपाली समय अनुसार दिउसो १२ः४५ बजेपछि ढाका मिरपुरस्थित शहिद शुरवार्दी इन्डोर हलमा हुनेछ । नेपाल र माल्दिभ्सले नै बिहीबार उपाधिका लागि प्रतिस्पर्धा गर्नेछन् । दुवै टोली अपराजित रहँदै फाइनलमा स्थान बनाउन सफल भएका हुन् । मंगलबार नेपालले बंगलादेशलाई सोझो सेटमा पराजित गरेपछि माल्दिभ्सले फाइनलको यात्रा तय गरेको थियो ।
लगातार उच्च प्रदर्शन गर्दै एक खेल अगावै फाइनलमा स्थान बनाएको नेपाल च्याम्पियनसिपमा अपराजित रहने दाउमा हुनेछ । नेपालले सुरुवाती सबै तीन खेल (अफगानिस्तान, किर्गिस्तान र बंगलादेश) विरुद्ध एक सेट पनि नगुमाई शतप्रतिशत जित निकाल्दै फाइनलमा स्थान बनाइसकेको छ । माल्दिभ्सविरुद्ध पनि नेपाल यही प्रदर्शनलाई निरन्तरता दिदै च्याम्पियनसिपमा अपराजित रहने दाउमा रहनेछ ।
टोलीका लागि लगातार उच्च प्रदर्शन गरिरहेकी स्टार ओपन स्पाइकर प्रतिभा माली माल्दिभ्सविरुद्धको खेलमा पनि मुख्य हतियार हुनेछिन् । चोटबाट पूनरागमन प्रयासमा रहेकी अर्की ओपन स्पाइकर सरस्वती चौधरी, यही च्याम्पियनसिपबाट राष्ट्रिय टोलीमा डेब्यु गरेकी ब्याक स्पाइकर निरुता ठगुन्ना, मिडल ब्लकर सुनिता खड्काको पनि टोलीलाई साथ रहनेछ । च्याम्पियनसिपमा जबरजस्त प्रदर्शन गरिरहेकी लिवेरो सलिना श्रेष्ठको पनि नेपाली टोलीलाई साथ रहेको छ ।
यता, च्याम्पियनसिपमा अपराजित नै रहेको माल्दिभ्स पनि नेपाललाई स्तब्ध पार्दै शीर्षस्थानमा कब्जा जमाउने लक्ष्यमा कोर्टमा उत्रनेछ । तर, माल्दिभ्समै प्रतिभाको कला देखिसकेका माल्दिभ्स टोली नेपालविरुद्ध मानसिक दवावमा हुन सक्नेछ । नेपाल र माल्दिभ्सबीचको खेल फाइनल अघि कमजोरी केलाउने खेलको रुपमा रहने छ ।
अपराजित रहेको माल्दिभ्सले पहिलो खेलमा किर्गिस्तानसँग ३–२ को रोमाञ्चक जित निकालेको थियो । त्यसपछि भने माल्दिभ्सले घरेलु टोली बंगलादेश र अफगानिस्तानलाई ३–० को सोझो सेटमा पराजित गरेको थियो । आजै दोस्रो खेलमा घरेलु टोली बंगलादेशले किर्गिस्तानसँग खेल्दैछ । खेल नेपाली समय अनुसार दिउसो २ः४५ बजेपछि हुनेछ । यि दुई टोलीले बिहीबारै तेस्रो स्थानको लागि प्रतिस्पर्धा गर्नेछ ।
गत शनिबारबाट शुरु भएको च्याम्पियनसिपमा ५ राष्ट्र (बंगलादेश, नेपाल, माल्दिभ्स, किर्गिस्तान र अफगानिस्तान) को सहभागिता रहेको थियो । राउन्ड रोविन लिगपछि शीर्ष दुई टोलीले फाइनल तथा बाँकी दुई टोलीले तेस्रो स्थानको लागि खेल्ने तालिका छ ।
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]