6 years ago
November 22, 2019
काठमाडौं (हाम्रो खेलकुद) – राष्ट्रपति विद्यादेवी भण्डारीले नेपाली भलिबल इतिहासमा ऐतिहासिक उपाधि जित्न सफल नेपाली महिला राष्ट्रिय भलिबल टोलीलाई शुक्रबार बधाई तथा सम्मान ज्ञापन गरेकी छिन् ।
राष्ट्रपति भण्डारीले आफ्नै निवास शितल निवासमा शुक्रबार ऐतिहासिक उपाधि जित्न सफल नेपाली महिला राष्ट्रिय टोलीलाई बधाई तथा सम्मान व्यक्त गरेकी हुन् ।
नेपाली राष्ट्रिय महिला भलिबल टिमले कात्तिकअन्तिममा (२८ गते बिहीबार ) बंगलादेशमा सम्पन्न प्रथम एभीसी एसियन सेन्ट्रल जोन सिनयर महिला भलिबल च्याम्पियनसिपमा माल्दिभ्सलाई ३–० को सोझो सेटमा पराजित गर्दै नेपाललाई ऐतिहासिक उपाधि जिताएका थिए । नेपाल प्रतियोगितामा अपराजित र एक सेट पनि नगुमाई च्याम्पियन बन्न सफल भएको थियो ।
सम्मान तथा बधाई कार्यक्रममा नेपाल भलिबल संघका अध्यक्ष मनोरन्जन रमण शर्मालगायत संघका पदाधिकारीहरुको पनि उपस्थिति रहेको थियो ।
नेपाली टोली अहिले नेपालमै आयोजना हुने १३औं सागको तयारीमा रहेको छ । नेपाल भारत र बंगलादेश सम्मिलित समुह ‘ए’ मा परेको छ । समूह ‘बी’ मा माल्दिभ्स, श्रीलंका र पाकिस्तान रहेका छन् ।
भलिबलका खेलहरु सागको उद्घाटन अगावै मंसिर ११ बाट शुरु हुने तालिका छ । पुरुष र महिला दुवैतर्फको खेलहरु त्रिपुरेश्वस्थित कभर्डहलमा हुनेछ । सबै खेलहरु लिग कम नकआउटका आधारमा हुने प्रतियोगिताको दुई समूहका शीर्ष दुई टोली उपाधिका लागि भिड्नेछ । भलिबलका खेलहरु ११ गतेबाट १७ गतेसम्म सञ्चालन हुनेछ ।
December 11, 2025
काठमाडौं (हाम्रो खेलकुद) – दोलखा चेस होम्सले आठौं तुल्सीलाल स्मृति राष्ट्रिय क्लब टिम चेस च्याम्पियनसिपको उपाधि जितेको छ। ललितपुर स्पोर्ट्स क्लबको आयोजनामा ललितपुर क्यास्पियन कलेजमा ५ दिन चलेको ७;चरणको राष्ट्रिय चेस टिम प्रतियोगितामा दोलखाले ६ खेलमा जित र १ मा हार बेहोरेको थियो। दोलखा १२ अंक प्रोग्रेसिभ २० प्वाइन्ट जोडेर च्याम्पियन बनेको हो। दोलखा जिल्ला […]
December 9, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा चौथो संस्करणको ‘बासिखोरा रन २०८२’ को तयारी सुरु गरिएको छ । प्रतियोगिता यही पुस १९ गते हुनेछ । आयोजक तीन सहिद खेलकुद विकास संस्थाका अनुसार प्रतियोगिता ४ विधामा हुनेछ । बासिखोरामा हुने प्रतियोगितामा पुरुष तथा महिला खुला, पुरुष तथा महिला अन्डर १८, पुरुष तथा महिला अन्डर १३ र […]
December 9, 2025
काठमाडौं (हाम्रो खेलकुद )- विश्व शान्तिका अग्रदुत गौतम बुद्धको जन्मजयन्तीको अवसरमा थाइल्याण्डमा लुम्बिनी नेपाल मिनी म्याराथन हुने भएको छ । गौतम बुद्धको जन्मथलो लुम्बिनीको प्रचारप्रसार गर्ने हेतुले बैशाखको तेस्रो साता १० किमी र ५ किमी रेस आयोजना गर्न लागिएको हो । थाइल्याण्डस्थित नेपाली राजदुतावासको अगुवाईमा थाइल्याण्डमा कार्यरत विभिन्न संघसंस्था र सरोकारवालाबीच बृहत छलफलपश्चात हरेक बर्ष […]
