4 years ago
February 29, 2020
वीरगन्ज (हाम्रो खेलकुद)– त्रिभुवन आर्मी क्लबका खगेन्द्र भाटले टिभिएस वीरगन्ज म्याराथनको उपाधि जितेका छन् । शनिबार भएको म्याराथन(४२.१९५ किमी) दौड २ घन्टा २१ मिनेट ०७. ५३ सेकेन्डमा पुरा गर्दै खगेन्द्र च्याम्पियन बनेका हुन् । आर्मीकै राजन रोक्का दोस्रो र हरिकुमार रिमाल तेस्रो भएका छन् । राजनले २ घन्टा २७ मिनेट ३९.९५ सेकेन्ड र १३ औं […]
वीरगन्ज (हाम्रो खेलकुद)– त्रिभुवन आर्मी क्लबका खगेन्द्र भाटले टिभिएस वीरगन्ज म्याराथनको उपाधि जितेका छन् । शनिबार भएको म्याराथन(४२.१९५ किमी) दौड २ घन्टा २१ मिनेट ०७. ५३ सेकेन्डमा पुरा गर्दै खगेन्द्र च्याम्पियन बनेका हुन् ।
आर्मीकै राजन रोक्का दोस्रो र हरिकुमार रिमाल तेस्रो भएका छन् । राजनले २ घन्टा २७ मिनेट ३९.९५ सेकेन्ड र १३ औं दक्षिण एसियाली खेलकुद (साग) का पदक विजेता हरिले २ घन्टा २८ मिनेट ३५.८६ सेकेन्डमा दौड पुरा गरेका हुन् ।
खगेन्द्रले टिभिएस स्कुटरसहित १ लाख २५ हजार रुपैयाँ जित्दा राजनले १ लाख ५० हजार र हरिले १ लाख रुपैयाँ प्राप्त गरे ।
त्यस्तै हाफ म्याराथनमा पनि आर्मीकै खेलाडी शीर्ष ३ मा रहन सफल भएका छन् । जसमा गजेन्द्र राई विजयी बनेका छन् । गेजेन्द्र भन्दा ६ सेकेन्डले पछि परेका दीपक अधिकारी दोस्रो र रामजी बस्नेत तेस्रो भएका छन् ।
गजेन्द्रले १ घन्टा ९ मिनेट ४९ सेकेन्डमा दौड पुरा गरेका थिए । त्यस्तै दीपकले १ घन्टा ९ मिनेट ५६ सेकेन्ड र रामजीले १ घन्टा १० मिनेट ३५ सेकेन्डमा दौड पुरा गरे ।
महिलातर्फ राजपुरा पछाई पहिलो, फलुमती राना दोस्रो र विन्द्रा श्रेष्ठ तेस्रो भइन् । राजपुराले १ घन्टा १९ मिनेट ४७ सेकेन्डमा दौड पुरा गरिन् । फुमतीले १ घन्टा २४ मिनेट ३० सेकेन्ड र विन्द्राले १ घन्टा २८ मिनेट १६ सेकेन्डमा दौड पुरा गरिन् ।
पुरुष महिला दुवैतर्फका विजेताले ७५ हजार, दोस्रोले ५० हजार र तेस्रो हुनेले ३५ हजार रुपैयाँ प्राप्त गरे ।
महिला १० किमी विभागिय दौडमा आर्मीकी पूर्ण लक्ष्मी नौपाने विजयी बनिन् । आर्मीकै सरस्वती भट्ट राई दोस्रो र नेपाल पुलिस क्लबलकी विर्सना कुमाल तेस्रो भइन् । महिला खुला १० किलोमिटर दौडमा सकुन्तला ठगुन्न पहिलो, मन्जु राउत दोस्रो र खिला थापा तेस्रो भइन् ।
त्यस्तै पुरुषतर्फको १० किलोमिटरमा आर्मीका कल्याण बानिया पहिलो, एपिएफका गणेश ठकुरी दोस्रो र टंक कार्की तेसे भए । पुरुष १० किमी खुलामा सागर श्रेष्ठ पहिलो, दीनेश बोगटी दोस्रो र प्रिन्सकुमार गुप्ता तेस्रो भए ।
१० किमीको सबैतर्फका विजेताले २० हजार, दोस्रोले १५ हजार र तेस्रो खेलाडीले १० हजार रुपैयाँ प्राप्त गरे ।
म्याराथनका विजेतालाई प्रदेश २ का मुख्य मन्त्री लालबाबु राउत, नेपाली सेनाका प्रधानसेनापति पूर्णचन्द्र थापालगायतले पुरस्कृत गरे ।
नेपाली सेना मध्य प्रितना र २८ बाहिनी, वीरगन्ज महानगरपालिका र भ्रमण वर्ष २०२० को प्रदेश २ को कार्यालयको संयुक्त आयोजनामा पहिलो पटक वीरगन्जमा भएको म्याराथनलाई टिभिएसले मुख्य प्रायोजन गरेको थियो । एकताका लागि दौड, स्वच्छ देश स्वस्थ मधेश सन्देशसहित सेना दिवसको उपलक्ष्यलाई समेत पारेर म्यानराथन आयोजना गरिएको बताइएको छ ।
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]
April 18, 2024
काठमाडौं (हााम्रो खेलकुद)– १४ औं केन्द्रीयस्तरीय राष्ट्रपति रनिङ सिल्डको अन्तिम दिन बिहीबार एथलेटिक्समा ३ नयाँ जुनियर राष्ट्रिय कीर्तिमान कायम भएको छ । राष्ट्रिय खेलकुद परिषद् (राखेप) द्वारा आयोजित प्रतियोगितामा अन्तर्गत त्रिपुरेश्वरस्थित दशरथ रंगशालामा सुदूरपश्चिम प्रदेशका आशिष महरले छात्र ट्रिपल जम्पमा १४.१९ मिटर जम्प गर्दै ३६ वर्षअघिको जुनियर राष्ट्रिय कीर्तिमान भंग गर्दै स्वर्ण पदक जितेको छन् […]
April 18, 2024
दिल तामाङ नेपाली भलिबल वर्ष २०८० मा चलायमान रह्यो । घरेलु भलिबल व्यस्त रहँदा अन्तर्राष्ट्रिय सहभागिताले पनि निरन्तरता पायो । भलिबल नेपालको राष्ट्रिय खेल घोषणा भएको ६ वर्ष भन्दा बढी भइसकेको छ । तर, अपेक्षा अनुसार सरकारले भलिबलमा लगानी भने गरेको छैन । यद्यपि घरेलु भलिबल व्यस्त रह्यो । पुरुषको १५ र महिलाको ९ वटा […]