4 years ago
March 1, 2020
नेपालगन्ज (हाम्रो खेलकुद)– छैटौं संस्करणको प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगितामा उपाधि दाबेदार तथा साविक विजेता विभागीय नेपाल एपिएफ क्लबले संघर्षपूर्ण जित निकालेको छ । नेपालगन्जस्थित कभर्डहलमा आइतबार भएको पहिलो खेलमा मुख्य स्पाइकर सरस्वती चौधरीविना केही कमजोर देखिएको एपिएफले अर्को विभागीय टोली त्रिभुवन आर्मी क्लबमाथि ३–१ को पूनरागमन जित निकालेको हो । चोटका कारण […]
नेपालगन्ज (हाम्रो खेलकुद)– छैटौं संस्करणको प्रधानमन्त्री कप अन्तर्राष्ट्रिय आमन्त्रण महिला भलिबल प्रतियोगितामा उपाधि दाबेदार तथा साविक विजेता विभागीय नेपाल एपिएफ क्लबले संघर्षपूर्ण जित निकालेको छ ।
नेपालगन्जस्थित कभर्डहलमा आइतबार भएको पहिलो खेलमा मुख्य स्पाइकर सरस्वती चौधरीविना केही कमजोर देखिएको एपिएफले अर्को विभागीय टोली त्रिभुवन आर्मी क्लबमाथि ३–१ को पूनरागमन जित निकालेको हो । चोटका कारण सरस्वती यो प्रतियोगितामा सहभागी छैनन् ।
निकै नै प्रतिस्पर्धात्मक बनेको खेलको पहिलो सेट एपिएपले २३–२५ ले गुमाएको थियो । २१–१८ को अग्रता लिएर पनि एपिएफले अग्रता जोगाउन नसक्दा पहिलो सेट गुमाएको थियो ।
दोस्रो सेटमा पनि आर्मीले लिएको अग्रता उल्ट्याउदै एपिएफले २७–२५ ले आफ्नो पक्षमा पार्न सफल भएको थियो । प्रतिस्पर्धात्मक खेलमा आर्मीले दोस्रो सेटमा २१–१८ को नै अग्रता बनाएको थियो ।
एकपक्षीय तेस्रो सेटमा एपिएफ २५–१७ ले सहजै विजयी हुन सफल भयो । प्रतिस्पर्धात्मक चौथो सेटमा पनि एपिएफले पछि परेको स्थिति उल्ट्याएर २५–२३ को जित निकाल्न सफल भएको हो । एपिएफकी रेश्मा भण्डारी वमन अफ दी म्याच घोषित भएकी थिइन् ।
आइतबारबाट सुरु भएको प्रतियोगितामा घरेलु भलिबलका चर्चित ४ क्लब नेपाल एपिएफ, नेपाल पुलिस क्लब, त्रिभुवन आर्मी क्लब, होङग्वानी न्यू डायमण्ड स्पोर्टस् क्लबसहित आयोजकको एउटा टोली गरी ५ टोलीले प्रतिस्पर्धा गर्दैछन् ।
भारतीय क्लब एसएसबी पुलिसले भने कोरानाको कारण देखाउँदै प्रतियोगिताबाट नाम फिर्ता लिएको आयोजक बाँके जिल्ला भलिबल संघका अध्यक्ष टीएस ठकुरीले जानकारी दिएका छन् ।
सहभागी टोलीलाई दुई समूहमा विभाजन गरिएको छ । खेल लिगकम नकआउटका आधारमा हुनेछ । समूहका शीर्ष २ टोलीले सेमिफाइनलमा प्रवेश पाउनेछन् ।
फागुन २२ गतेसम्म नेपालगन्ज रंगशालास्थित कभर्डहलमा सञ्चालन हुने प्रतियोगिताको विजेताले २ लाख, दोस्रो हुनेले १ लाख, तेस्रो हुने टोलीले ५० हजार प्राप्त गर्नेछन् । प्रतियोगिताको सर्वोत्कृष्ट खेलाडीले २५ हजार रुपैयाँ प्राप्त गर्नेछन् ।
April 20, 2024
काठमाडौं (हाम्रो खेलकुद)– प्रथम प्रधान सेनापति ह्विलचियर बास्केटल प्रतियोगिताको उपाधि महिलामा ह्विलचियर स्पोर्टस एसोसिएसन र पुरुषमा सशस्त्र प्रहरी बलले जितेको छ । नेपाली सेनाको आयोजना भएको प्रतियोगिताको महिलातर्फको फाइनलमा ह्विचियर स्पोर्टसले स्पाइनल कर्ड इन्ज्युरी नेटवर्क नेपाललाई हराउँदै उपाधि जितेको थियो । जावलाखेल ह्विलचियर स्पोर्टस क्लब तेस्रो भयो । श्री सैनिक पुनर्स्थापना केन्द्र, भण्डारखालमा भएको प्रतियोगिताको […]
April 19, 2024
काठमाडौं (हाम्रो खेलकुद)– प्रदेश खेलकुद परिषद् गण्डकीका सदस्य सचिव श्रीधर शर्माले आफ्ना खेलाडीलाई लान्छाना लगाएको र त्यसले उनीहरुको मनस्थितिमा असर परेको भन्दै चन्द्रागिरी नगरपालिका न्यु डायमण्ड महिला टिमले कारवाहीको माग गरेको छ । १४ औं केन्द्रीयस्तरको राष्ट्रपति रनिङ शिल्डमा बागमती प्रदेशमा सहभागी आफ्ना खेलाडीमाथि शर्माले लान्छाना लगाएको आरोप क्लबले न्यु डायमण्डले लगाएको छ । बागमतीबाट […]
April 18, 2024
काठमाडौं (हाम्रो खेलकुद)– सुदूरपश्चिम प्रदेशले पहिलो पटक केन्द्रीयस्तरीय राष्ट्रपति रनिङ सिल्डमा बिहीबार टिम च्याम्पियन बनेको छ । १४ औं संस्करणमा १९ स्वर्ण, १२ रजत र १८ कांस्य पदकका साथ सुदूरपश्चिम च्याम्पियन बनेको हो । बागमती प्रदेश १७ स्वर्ण, १३ रजत र १५ कांस्य पदकका साथ दोश्रो भयो । तेश्रो स्थानको कर्णाली प्रदेशले १० स्वर्ण, ५ […]