4 years ago
March 5, 2020
इनरुवा (हाम्रो खेलकुद) – विभागीय त्रिभुवन आर्मी क्लबले तेस्रो संस्करणको इनरुवा रात्रिकालिन मेयर कप राष्ट्रिय भलिबल प्रतियोगिताको उपाधि जितेको छ । सुनसरीस्थित इनरुवामा बुधबार राति भएको फाइनलमा आर्मीले विभागीय प्रतिद्धन्द्धी नेपाल पुलिस क्लबलाई ३–१ को सेटमा पराजित गर्दै उपाधि जितेको हो । आर्मीले पछिल्लो एक सातामा दोस्रो उपाधि जित्न सफल भएको हो । यसअघि आर्मीले […]
इनरुवा (हाम्रो खेलकुद) – विभागीय त्रिभुवन आर्मी क्लबले तेस्रो संस्करणको इनरुवा रात्रिकालिन मेयर कप राष्ट्रिय भलिबल प्रतियोगिताको उपाधि जितेको छ । सुनसरीस्थित इनरुवामा बुधबार राति भएको फाइनलमा आर्मीले विभागीय प्रतिद्धन्द्धी नेपाल पुलिस क्लबलाई ३–१ को सेटमा पराजित गर्दै उपाधि जितेको हो ।
आर्मीले पछिल्लो एक सातामा दोस्रो उपाधि जित्न सफल भएको हो । यसअघि आर्मीले चितवनमा सम्पन्न दिवाकार स्मृति भलिबलमा एपिएफलाई पराजित गर्दै उपाधि जितेको थियो । आर्मीको यो सिजनको तेस्रो उपाधि हो । यसअघि आर्मीले प्रधान सेनापति कप भलिबल प्रतियोगिताको उपाधि जितेको थियो । आर्मीले सोलुखुम्बुलाई तथा पुलिसले एपिएफलाई पराजित गर्दै फाइनलमा स्थान बनाएको थियो ।
प्रतिस्पर्धात्मक पहिलो सेटमा आर्मी २६–२४ ले विजयी भएको थियो । दोस्रो सेट पुलिसले २५–२३ ले जितेपछि खेल १–१ सेटको बराबरीमा पुगेको थियो । तर, त्यसपछिको दुई सेटमा आर्मीले एकपक्षीय जित निकाल्दै च्याम्पियन बन्न सफल भयो । आर्मीले तेस्रो सेट २५–११ र चौथो सेट २५–१९ ले आफ्नो पक्षमा पार्दै च्याम्पियन बन्न सफल भयो । खेलको म्यान अफ दि म्या आर्मीका धन बहादुर भट्ट घोषित भए । उनले २ हजार रुपैया पाए ।
उपाधिसँगै आर्मीले १ लाख ५० हजार रुपैया हात पार्यो । दोस्रो भएको पुलिसले ८० हजारमा चित्त बुझायो । आर्मीका राजेन्द्र विष्ट प्रतियोगिताको सर्वाेत्कृष्ट खेलाडी घोषित भए । उनले १० हजार रुपैया हात पारे ।
व्यक्तिगत विधातर्फ पनि च्याम्पियन आर्मीले नै वर्चश्व जमायो । हरि अधिकारी बेस्ट क्वीकर, हरि हजुर थापा उत्कृष्ट सेटर, इश्वर थापा लिवेरो, ज्ञानेश्वर अधिकारी उत्कृष्ट प्रशिक्षक चुनिए । पुलिसका कप्ता नइम बहादुर राना उत्कृष्ट सर्भर र जमानसिंह उत्कृष्ट स्पाइकर घोषित भए । व्यक्तिगत विधाका सबैले जनही ५–५ हजार रुपैया हात पारे ।
१७ फागुनबाट शुरु भएको प्रतियोगितामा ८ टोलीको सहभागिता रहेको थियो । सहभागी टोलीलाई दुई समूहमा विभाजन गरिएको थियो । लिग कम नकआउटका आधारमा भएको खेलमा दुई समूहबाट शीर्ष दुई टोलीले सेमिफाइनलमा स्थान बनाएका थिए ।
April 25, 2024
काठमाडौं (हाम्रो खेलकुद) – सातौं केएनपी नेरोलेक महिला भलिबल प्रतियोगिताको दोस्रो दिन बुधबार पनि दुई खेल हुँदैछन् ।त्रिपुरेश्वरस्थित राष्ट्रिय खेलकुद परिषद्को कभर्ड हलमा दिउँसो १ः०० बजे सुरु हुने खेलमा दुई विभागिय टोली साविक उपविजेता नेपाल एपिएफ क्लब र त्रिभुवन आर्मी क्लबबीच हुनेछ । एपिएफल लगातार दोस्रो खेल जित्ने योजनामा हुनेछ भने आर्मी फाइनल प्रवेशको सम्भावनालाई […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
काठमाडौं (हाम्रो खेलकुद) – नेपालको तेक्वान्दो टिमले जापानमा हुने २० औं वाटा ओपन अन्तर्राष्ट्रिय तेक्वान्दो प्रतियोगितामा भाग लिने भएको छ । जापान वाटाको आयोजनामा हुने सो प्रतियोगितामा अल जापान तेक्वान्दो संघ र ओसाका तेक्वान्दो संघको सहयोग रहनेछ । नेपालका अन्तर्राष्ट्रिय तेक्वान्दो निर्णायक अशोक खड्काले २४ देशको सहभागिता रहने सो प्रतियोगितामा खेल्न १५ सदस्यीय नेपाली तेक्वान्दो […]