काठमाडौं (हाम्रो खेलकुद)– पोल्यान्डमा आयोजना हुने योनेक्स बिडब्लूएफ विश्व सिनियर ब्याडमिन्टन च्याम्पियनसिप काटोविसमा नेपाली लाइन जज् पनि रहने भएका छन् ।
ब्याडमिन्टन वल्र्ड फेडेरेसन (बिडब्यूएफ) का नेपाली सर्टिफिकेट अन्तर्राष्ट्रिय लाइन जर्ज उदय अर्यालले च्याम्पियनसिपमा लालन जज् गर्ने मौका पाएका छन् ।
च्याम्पियनसिपका लागि उनी शुक्रबार त्यसतर्फ प्रस्थान गरेका छन् । बिडब्लूएफले आफुलाई जनवरी १ बाट सर्टिफिकेटन इन्टरनेसनल ब्याडमिन्टन लाइन जज् को मान्यता दिएको अर्यालले जानकारी दिए ।
ब्याडमिन्टन एसियाका एक्रिडिएटेड तथा नेपाल ब्याडमिन्टन संघका राष्ट्रिय ब्याडमिन्टन अम्पायर समेत रहेका अर्याललाई बिहिबार अर्को एक्रिडिएटेड अम्पायर दीपक थापालगायत अन्य अन्तर्राष्ट्रिय तथा राष्ट्रिय अम्पायरहरुले बिदाई गरेका थिए ।
त्यसअघि नेपाल विद्युत प्राधिकरणका कार्यकारी निर्देशक कुलमान घिसिङले आर्याललाई विदाई गरेका थिए ।
प्राधिकरणका कर्मचारी समेत रहेका आर्याललाई विदाई गर्दै घिसिङले बिडब्लूएफ जस्तो अन्तर्राष्ट्रिय निकायबाट मान्यता पाएर विश्व स्तरीय प्रतियोगितामा मौका पाएकोमा सफलतापूर्वक जिम्मेवारी निर्वाह गर्न शुभकामना दिए । एसियाबाट उक्त च्याम्पियनसिपका लागि ३ जना टेक्निकल अफिसिएल छनोट हुँदा आर्याल परेका हुन् ।
