काठमाडौं (हाम्रो खेलकुद) – पौडी खेलाडी नासिर याह्या हुसेन र डुवाना लामाले राष्ट्रिय कीर्तिमान राखेका छन् । नेपाल पौडी संघको आयोजनामा भएको दसौं एन.एस.ए. कप खुला तथा उमेर समूह प्रतियोगितामा नासिर र डुवानाले मंगलबार कीर्तिमान राखेका हुन् । नासिर र डुवाना दुवैले दुई वटा कीर्तिमान बनाएका हुन् ।

नासिरले १ सय मिटर ब्याकस्ट्रोक १ मिनट ४.४६ सेकेन्डका पूरा गर्दै किर्तिमान राखेका हुन् । उनले तेन्जिनले हिट चरणमा राखेको १ मिनट ५.८७ सेकेन्डको कीर्तिमान भंग गरेका हुन् । नासिरले १ सय मिटर बटरफ्लाईमा ५९.९४ सेकेन्डको कीर्तिमान बनाएका छन् ।

सायद हम्जा शाहले सिंगापुरमा आयोजना भएको ५१ औं सिंगापुर राष्ट्रिय उमेर समूह आमन्त्रण २०२१ मा राखेको ५९.९४ सेकेन्डको कीर्तिमानलाई भंग गरेका हुन् । यस्तै डुवानाले हिट चरण राखेको आफ्नै कीर्तिमानलाई भंग गरेकी हुन् । उनले ३५.८९ सेकेन्डको नयाँ कीर्तिमान बनाएकी थिइन् । हिटमा उनले ३५.८३ को कीर्तिमान राखेकी थिइन् ।

यस अघि हिट चरणमा यस्तै तेन्जिनले १ सय मिटर ब्याकस्ट्रोकमा १ मिनट ५.८७ सेकेन्डको नयाँ किर्तिमान कायम गरे । उनले आफैले नवौं एन.एस.ए. कप २०१९ मा १ मिनट ८.२५ सेकेन्डको कीर्तिमानलाई भंग गरेका हुन् । यस विधामा नासिरले पनि १ मिनट ५.९९ सेकेन्डका साथ किर्तिमान भंग गरेता पनि अन्तिम किर्तिमान तेन्जिनको नाममा नै रह्यो ।

डुवानाले ५० मिटर ब्याकस्ट्रोकमा आफ्नै नाममा २५ सेप्टेम्बर २०१९ मा भारतको बेङ्गलोरमा आयोजना भएको एशियन उमेर समूह च्याम्पियनसिप २०१९ मा राखेको ३५.९४ सेकेन्डको किर्तिमानमा सुधार गर्दै ३५.८९ सेकेन्डका नयाँ किर्तिमान कायम गरेकी हुन् ।