1 year ago
February 25, 2023
काठमाडौं (हाम्रो खेलकुद) – नेपाल एथलेटिक्स संघको आयोजनामा यही फागुन २३ गते मंगलबार गोकर्ण फरेस्ट रिसोर्टमा हुने १६ औं एसियन क्रस–कन्ट्री च्याम्पियनसिपको लागि तीन संस्थासँग सहकार्य सम्झौता भएको छ ।
शुक्रबार राजधानीमा आयोजित एक कार्यक्रममा संघका अध्यक्ष राजीव विक्रम शाहले तीन फरक संस्थासँग सम्झौता पत्रमा हस्ताक्षर गरेका हुन् । संघले बागमती प्रदेश खेलकुद विकास परिषद, नेसनल लाइफ इन्स्योरेन्स कम्पनी लिमिटेड र एमएडब्ल्यु इन्टरप्राइजेज प्र.लि.सँग सम्झौता गरेको हो ।
सम्झौता–पत्रमा संघका अध्यक्ष शाहसँग परिषदका सदस्यसचिव सूर्यलाल भण्डारीले हस्ताक्षार गरे । त्यस्तै एनएलआईसीएलको तर्फबाट प्रमुख प्रेमा राज्यलक्ष्मी सिंहले प्रमुख कार्यकारी अधिकृत सुरेशप्रसाद खत्रीको उपस्थितिमा हस्ताक्षर गरेकी थिइन् । त्यस्तै, एमएडब्ल्यु इन्टरप्राइजेजको तर्फबाट मार्केटिङ म्यानेजर रमेश दनेखुले सम्झौता आदान प्रदान गरे ।
एसियन एथलेटिक्स एसोसिएसन (एएए) ले दुई–दुई वर्षमा सञ्चालन गर्दै आएको एसियन क्रस–कन्ट्री च्याम्पियनसिप यसपटक नेपालमा आयोजना हुना लागेको हो । नेपालले यसअघि सन् २००१ मा पनि एसियाली क्रस कन्ट्री आयोजना गरेको थियो ।
अध्यक्ष शाहले नेपालले २२ वर्षपछि आयोजना गर्न लागेको एसियन क्रस–कन्ट्री च्याम्पियनसिप देशकै लागि गर्वको कुरा रहेजो बताए । ‘यस प्रतियोगिताले अन्तर्राष्ट्रिय जगतमा नेपालको प्रतिष्ठा बृद्धि गर्ने छ । हामी यस च्याम्पियनसिपलाई भव्य एवम् सफलतापूर्वक आयोजना गर्ने अन्तिम तयारीमा छौं । हाम्रो यस अभियानमा जोडिएकोमा बागमती प्रदेश खेलकुद विकास परिषदलाई विशेष धन्यवाद,’ उनले भने ।
शाहले थपे, ‘निजी क्षेत्रको प्रतिनिधित्व गर्दै हाम्रो हौसला बढाएकोमा नेसनल लाइफ इन्स्योरेन्स कम्पनी लिमिटेड र एमएडब्ल्यु इन्टरप्राइजेजलाई धन्यवाद व्यक्त गर्दछु । सरकार र निजी क्षेत्रको लगानीमा हाम्रा खेलाडीहरूले यसपाली च्याम्पियनसिपमा पदक जितेर इतिहास कोर्ने विश्वास छ ।’
च्याम्पियनसिपमा एसियन एथलेटिक्स एसोसिएसनका सदस्य ४५ देशमध्ये धेरै देशका खेलाडी सहभागि हुन नेपाल आउने आशा गरिएको छ । पुरुष र महिलाका सिनियर र जुनियर गरी इन्डिभिज्युअल चार इभेन्ट्समा प्रतिस्पर्धा हुने छ । यसै साता नेपाली खेलाडीको छनोट भइसकेको छ ।
May 17, 2024
काठमाडौं (हाम्रो खेलकुद)- तेह्रौं सागकी स्वर्ण पदक विजेता सन्तोषी श्रेष्ठले पेरिस ओलम्पिक २०२४ खेल्ने निश्चित भएको छ। सन्तोषीले पेरिस ओलम्पिकको म्याराथनमा प्रतिस्पर्धा गर्ने भएकी हुन्। युनिभर्सियालिटी कोटामा उनले ओलम्पिक खेल्ने भएकी हुन् । नेपाल ओलम्पिक कमिटी (एनओसी ) र नेपाल एथलेटिक्स संघबाट युनिभर्सियालिटीका लागि सन्तोषीको सिफारिस गरेको थियो। सन्तोषीको नाम ओलम्पिकमा खेल्ने पक्का भएको जानकारी […]
May 16, 2024
सुमन अधिकारी,बुटवल त्रिभुवन आर्मी क्लबका राजन रोक्काले दोस्रो राष्ट्रिय हाफ म्याराथनको उपाधि जितेका छन् । राजनलेले निर्धारित २१ किलोमिटर दुरी १ घण्टा ९ मिनेट २४ सेकेन्डमा पूरा गर्दै उपाधि जितेका हुन् । नेकपा एमालेका तत्कालिन महासचिव मदन भण्डारीको ३१ औं स्मृति दिवसको अवसरमा मदन भण्डारी स्पोर्ट्स एकेडेमीले बिहीबार बुटवलमा आयोजना गरेको दोस्रो राष्ट्रिय हाफ म्याराथनको […]
May 15, 2024
सुमन अधिकारी,बुटवल मदन भण्डारीको ३१ औं स्मृति दिवसको अवसरमा हुने (जेठ ३ गते ) दोस्रो राष्ट्रिय खुल्ला हाफ म्याराथन तथा रोड रेस प्रतियोगिताको तयारी पूरा भएको छ । आयोजक मदन भण्डारी स्पोर्टस एकेडेमीले मंगलबार बुटवलमा पत्रकार सम्मेलन गर्दै प्रतियोगिताको तयारी पूरा भएको जनाएको हो । प्रतियोगितामा खुल्ला हाफ म्याराथनसहित ५ वटा इभेन्ट समावेश गरिएको छ […]