2 years ago
February 5, 2022
काठमाडौं (हाम्रो खेलकुद) – नेपाल बास्केटबल संघको आयोजनामा लामा टेन्डी शेर्पा मेमोरियल खुल्ला महिला तथा पुरुष बास्केटबल च्याम्पियनसिप आयोजना हुने भएको छ । च्याम्पियनसिप १ देखि १२ फागुनसम्म हुनेछ ।
च्याम्पियनसिपमा हालसम्म पुरुषतर्फ १२ टोली तथा महिलातर्फ ५ टोलीले सहभागिता पक्का गरेका छन् । पुरुषतर्फ रोयल बास्केटबल क्लब, गोल्डेनगेट बास्केटबल क्लब, बुढानिलकण्ठ नगरपालिका, जेभियर इन्टरनेसनल कलेज, बिएमके, बंगलादेश नाभी टिम, आइएसए नेपाल बास्केटबल एकेडेमी, टाइम्स बास्केटबल क्लब, कीर्तिपुर बास्केटबल, स्कुल क्यान्डी, कास्की बास्केटबल संघ र शंकरदेव क्याम्पर रहेका छन् ।
महिलातर्फ आइएसए नेपाल बास्केटबल एकेडेमी, रोयल बास्केटबल एकेडेमी, नेपाल पुलिस क्लब, ललितपुर र कीर्तिपुर बास्केटबल क्लब रहेका छन् । च्याम्पियनसिप हुने स्थान र कुन शैलीमा हुने त्यसबारे केही खुलाइएको छैन । च्याम्पियनसिपको पहिलो हुने टोलीले ५० हजार रुपैया र दोस्रो हुने टोलीले २५ हजार रुपैयाँ प्राप्त गर्नेछन् । मोस्ट भ्यालुएवल खेलाडीले १० हजार रुपैया प्राप्त गर्नेछ ।
नेपाल ओलम्पिक कमिटी (एनओसी) र नेपाल खेलकुद महासंघका पूर्व महासचिवसमेत भइसकेका राष्ट्रिय खेलकुद परिषद् (राखेप) का पूर्व उपाध्यक्ष तथा नेपाल बास्केटबल संघको अध्यक्षसमेत थिए । लामा टेण्डी शेर्पाको नशा सम्बन्धी रोगबाट ५० वर्षको उमेरमै गत मंसिर ८ गते निधन भएको हो । उनको अमेरिका, भारत र चीनमा पनि उपचार सम्भव नभएपछि विशालनगरस्थित ओरिगन केयर होममा पछिल्लो दुई वर्षदेखि उपचार गराइरहेका थिए ।
May 9, 2024
काठमाडौं (हाम्रो खेलकुद)– नेपाल बास्केटबल संघले बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलको उपाधि विजेता नेपाली पुरुष टोलीलाई बिहीबार नगदसहित सम्मान गरेको छ । चीनको युनानमा बैशाख १२ देखि १८ गतेसम्म भएको प्रतियोगितामा सहभागी ४ खेलाडी र १ प्रशिक्षकसहित ५ जना सम्मानित भएका हुन् । सम्मानित हने खेलाडीमा विजय बुर्जा (कप्तान), निकेश […]
May 5, 2024
काभ्रे (हाम्रो खेलकुद) – काभ्रे बास्केटबल संघको आयोजनामा अर्को महिना प्रथम अल नेपाल काभ्रे थ्री बाइ थ्री बास्केटबल हुने भएको छ । प्रतियोगितामा महिला र पुरुषतर्फको प्रतिस्पर्धा हुने काभ्रे बास्केटबल संघले जनाएको छ । काठमाडौं विश्वविद्यालयको बास्केटबल कोर्टमा जेठ २६ गते हुने प्रतियोगिताको दुवैतर्फको विजेताले २५ हजार र दोस्रो टोलीले १५ हजार रुपैयाँ प्राप्त गर्नेछन् […]
April 24, 2024
काठमाडौं (हाम्रो खेलकुद) – बोर्डर सिङफु भिलेज स्पोर्ट्स कार्निभलअन्तर्गत पुरुष थ्री बाइ थ्री बास्केटबलमा सहभागी हुन ४ खेलाडीसहित ५ सदस्यीय टोली बिहीबार चीनको युन नान प्रस्थान गर्ने भएको छ । विजय बुर्जा कप्तान रहेको टोलीको अन्य खेलाडीमा निकेश मगर, मनीष केसी र निश्चल महर्जन रहेका छन् । प्रशिक्षकमा सुशिल गुरुङ छन् । बुधबारदेखि सुरु भइसकेको […]
