default_image

1 year ago

October 24, 2022

वर्षाका कारण दक्षिण अफ्रिका जितबाट बन्चित

एजेन्सी – आइसीसी टि२० विश्वकपको सुपर १२ चरण अन्तर्गत दक्षिण अफ्रिका र जिम्बावेबीचको खेल वर्षाका कारण रद्द भएको छ । दक्षिण अफ्रिका जितनजिक पुगेको अवस्थामा वर्षा बाधक बन्दा दुवै टोली अंक बाँड्न बाध्य भएका हुन् । खेल सुरु नहुँदै वर्षाका कारण ९ अ‍ोभरमा घटाइएको खेलमा जिम्बावेले दक्षिण अफ्रिकासामु ८० रनको लक्ष्य प्रस्तुत गरेको थियो । […]

153 views

0 Bookmark

एजेन्सी – आइसीसी टि२० विश्वकपको सुपर १२ चरण अन्तर्गत दक्षिण अफ्रिका र जिम्बावेबीचको खेल वर्षाका कारण रद्द भएको छ । दक्षिण अफ्रिका जितनजिक पुगेको अवस्थामा वर्षा बाधक बन्दा दुवै टोली अंक बाँड्न बाध्य भएका हुन् ।

खेल सुरु नहुँदै वर्षाका कारण ९ अ‍ोभरमा घटाइएको खेलमा जिम्बावेले दक्षिण अफ्रिकासामु ८० रनको लक्ष्य प्रस्तुत गरेको थियो । दक्षिण अफ्रिकाका लागि पहिलो ओभरमै क्विन्टन डीककले २३ रन जोड्दै उत्कृष्ट सुरुवात दिलाए । तर दोस्रो ओभरको पहिलो बलमा नै वर्षा भएपछि खेल केहि समय रोकियो । त्यसपछि दक्षिण अफ्रिकाले जितका लागि ७ ओभरमा ६४ रन जोड्नुपर्ने समिकरण रहेको थियो ।

डीककले दोस्रो ओभरमा पनि ४ चौका प्रहार गर्दै १७ रन जोडे । तेस्रो ओभरमा दक्षिण अफ्रिकाले ११ रन जोड्यो । तर चौथो ओभर सुरु हुनुअघि पुन: वर्षा सुरु भएपछि अम्पायरले खेल रोकेका थिए । ३ ओभरमा विना विकेट ५१ रन जोडेको दक्षिण अफ्रिकाले जित हासिल गर्न कम्तिमा ५ ओभरको खेल हुनुपर्ने थियो । तर चौथो ओभर सुरु हुनुअघि नै भारी वर्षा हुँदा अम्पायरले खेल रोके । डी कक १८ बलमा ८ चौका र १ छक्कासहित ४७ रनमा नटआउट रहे । कप्तान टेम्बा बभुमाले २ बलमा २ रन जोडे ।

त्यसअघि टस जितेर पहिलो ब्याटिङ गर्ने निर्णय गरेको जिम्बावेले ५ विकेट गुमाउँदै ७९ रन जोड्यो । एक समय १९-४ को स्थितिमा पुगेको जिम्बावेलाई वेस्ली मधाभेरको आक्रामक इनिङले उकासेको थियो । मधाभेरले १८ बलमा नटआउट ३५ रन जोडे । उनले ४ चौका र १ छक्का प्रहार गरेका थिए ।

पहिलो अ‍ोभरमा मात्र ४ रन जोडेको जिम्बावेले दोस्रो अ‍ोभरमा दुई रन जोड्दै क्रेग अर्भाइनलाई गुमायो । वायन पार्नेलले अन्तिम बलमा उनलाई क्याच आउट गराए । तेस्रो अ‍ोभरमा लुंगी एनगिडीले दुई विकेट लिएपछि जिम्बावे थप समस्यामा पर्यो । उनले दोस्रो बलमा रेगिस चकाबा र चौथो बलमा सिकन्दर राजालाई कट बिहाइन्ड गराए ।

चौथो ओभरमा सन् विलियम्स रनआउट भएपछि जिम्बावेले कमजोर योगफल खडा गर्ने डर बढेको थियो । तर पाँचौ विकेटका लागि वेस्ली मधाभेर र मिल्टन शुम्बाले ६० रनको साझेदारी गर्दै मध्यम योगफलसम्म पुर्याए । अन्तिम बलमा कट बिहाइन्ड हुनुअघि शुम्बाले २० बलमा २ चौकासहित १५ रन जोडे ।

दुवै टोलीले पहिलो खेलबाट १-१ अंक बाँडेका छन् । यस समूहमा भारत र बंगलादेशको २-२ अंक छ । नेदरल्यान्ड्स र पाकिस्तान अंकविहिन छन् । शीर्ष २ टोलीले सेमिफाइनलमा स्थान बनाउने छन् ।

यो पनि : विश्वकपमा बंगलादेशको विजयी सुरुवात

April 14, 2024

हङकङ साउदी अरबविरुद्ध स्तब्ध

मस्कट (हाम्रो खेलकुद) – ओमानमा जारी एसिसि प्रिमियर कपमा हङकङ साउदी अरेबिया विरुद्ध स्तब्ध भएको छ । समूह ए अन्तर्गत अल अमेरातमा भएको खेलमा हंगकंगलाई साउदीले ५५ रनको हार चखाएको हो । साउदीले दिएको २ सय ३ रनको विशाल लक्ष्य पछ्याएको हङकङ १८.५ ओभरमा १ सय ४७ रनमा समेटियो । हङकङका लागि कप्तान निजाकत खानले […]

April 14, 2024

अकिबको ह्याट्रिकमा ओमानले कम्बोडियालाई हरायो

मस्कट (हाम्रो खेलकुद) – अलराउन्डर अकिब इल्यासले ह्याट्रिक लिएपछि एसीसी मेन्स प्रिमियर कप २०२४ अन्तर्गत समूह बी को खेलमा आयोजक ओमानले कम्बोडियालाई ६३ रनले पराजित गरेको छ । अल अमेरत मैदानमा आइतबार वर्षाले खेलको सुरुवात प्रभावित भएपछि ११ ओभरमा घटाइएको थियो । कम्बोडियाले टस जितेर ओमानलाई पहिलो ब्याटिङको निम्तो दिने निर्णय सफल भने भएन । […]

April 14, 2024

राजस्थानसँग पन्जाबको हार

एजेन्सी – सामूहिक प्रदर्शन गर्दै राजस्थान रोयल्सले इन्डियन प्रिमियर लिग (आइपिएल) मा शनिबार जित निकालेको छ । राजस्थानले पन्जाब किङ्सलाई ३ विकेटले हराएको छ । एक सय ४८ रनको लक्ष्य पछएको राजस्थानले १९.५ ओभरमा ७ विकेटको क्षेतिमा १ सय ५२ रन जोड्दै जित दर्ता गरेको हो ।टोलीका लागि यसस्वी जैसवालले २८ बलमा सर्वाधिक ३९ रन, […]

Success

Thank you for your time.