1 year ago
December 1, 2022
काठमाडौं (हाम्रो खेलकुद) – बायाँ हाते स्पिनर निर्मल गुरुङले घातक बलिङ गर्दै पाँच विकेट लिएपछि लुम्बिनी प्रदेशले वाई वाई यू–१९ राष्ट्रिय प्रतियोगितामा प्रदेश एकलाई ६ विकेटले हराएको छ । योसँगै लुम्बिनी ८ अंकका साथ फाइनल पुग्ने सम्भावना कायमै राखेको छ । जितको लागि ७० रनको विजयी लक्ष्य पछ्याएको लुम्बिनीले १६ ओभरमा ४ विकेट गुमाउँदै पूरा […]
काठमाडौं (हाम्रो खेलकुद) – बायाँ हाते स्पिनर निर्मल गुरुङले घातक बलिङ गर्दै पाँच विकेट लिएपछि लुम्बिनी प्रदेशले वाई वाई यू–१९ राष्ट्रिय प्रतियोगितामा प्रदेश एकलाई ६ विकेटले हराएको छ । योसँगै लुम्बिनी ८ अंकका साथ फाइनल पुग्ने सम्भावना कायमै राखेको छ ।
जितको लागि ७० रनको विजयी लक्ष्य पछ्याएको लुम्बिनीले १६ ओभरमा ४ विकेट गुमाउँदै पूरा गर्यो । लुम्बिनीको जितमा देव खनाल ३९ बलमा २ चौकासहित १९ रनमा आउट भए । आकाश त्रिपाठीले ३३ बलमा २ चौकासहित १७, विशाल विक्रम केसी डक आउट भए ।
प्रज्वल थापा ११ बलमा २ चौका र १ छक्कासहित १५, सुनिल भण्डारी ६ र विशाल भुषाल ८ रनमा आउट भए । प्रदेश एकका दीपेश कंडेलले ५ ओभरमा १ मेडनसहित १९ रन खर्चेर ३ विकेट लिए । विपिन महतोले एक विकेट लिए ।
त्यसअघि टियु क्रिकेट मैदानमा टस जितेर पहिला ब्याटिङ थालेको प्रदेश एक २६.२ ओभरमा ६९ रनमा अल आउट भयो । प्रदेश एकका सुभन गहतराजले २२ बलमा ३ चौकासहित २२ तथा आइस्टाइन रिजालले १९ रन बनाए । आइस्टाइनले ६८ बलमा २ चौका प्रहार गरे ।
लुम्बिनी प्रदेशका स्पिनर निर्मल गुरुङले ४.२ ओभरमा २ मेडनसहित ४ रन खर्चेर ५ विकेट लिए । निर्मलको यो पहिलो पटक पाँच विकेट हो । टियु एण्डबाट आएका निर्मलले उत्कृष्ट बलिङ गरेका थिए । दुर्गेश गुप्ताले दुई, अभिषेक गौतम र तुलबहादुर थापाले एक एक विकेट लिए ।
लुम्बिनी ५ खेलमा ८ अंकका साथ तेस्रो स्थानमा छ । लुम्बिनीले अन्तिम खेल आइतबार मधेशसँग खेल्नेछ । उक्त खेलमा लुम्बिनी विजयी हुँदा १० अंक हुनेछ । उता सुदूरपश्चिम ५ खेलमा १० अंकका साथ शीर्ष स्थानमा छ । बागमती ५ खेलमा ४ मा जितसहित ८ अंकका साथ दोस्रो स्थानमा छ ।
बागमतीले अन्तिम खेलमा सुदूरलाई हराए उसको पनि १० अंक हुनेछ । नेटनरनेटमा फाइनलमा पुग्ने दुई टोली निर्धारण हुनेछ । अन्तिम खेलमा लुम्बिनी विजयी हुँदा र बागमती पराजित हुँदा भने सोझै फाइनलमा पुग्नेछ । शीर्ष दुई टोली आगमी सोमबार फाइनमा प्रतिस्पर्धा गर्नेछन् ।
April 29, 2024
काठमाडौं (हाम्रो खेलकुद) – लुम्बिनी प्रदेशले पहिलो वीर गणेशमान सिंह राष्ट्रिय टि-२० क्रिकेट प्रतियोगिताको उपाधि उचालेको छ । मूलपानी क्रिकेट मैदानमा सोमबार भएको फाइनल खेलमा कर्णाली प्रदेश माथि २१ रनको जित हासिल गर्दै उपाधि कब्जा गरेको हो । लुम्बिनीले दिएको ११७ रनको सामान्य लक्ष्य पछ्याएको कर्णाली १५.३ ओभरमा ८५ रनमै समेटियो । कर्णालीका लागि विपिन […]
April 29, 2024
एजेन्सी – इंडियन प्रिमियर लिग (आईपिएल) अन्तर्गत आईतबार भएको दोस्रो खेलमा चेन्नाई सुपर किंग्सले सहज जित दर्ता गरेको छ । चेन्नाईले सनराईजर्स हैदराबाद माथि ७८ रनको फराकिलो जित दर्ता गरेको हो । चेन्नाईले दिएको २१३ रनको विशाल लक्ष्य पछ्याएको हैदराबाद १८.५ ओभरमा १३४ रनमा समेटियो । हैदराबादका लागि एईडन मार्क्रमको ३२ रनको इनिङ नै सर्वाधिक […]
April 28, 2024
एजेन्सी – विल ज्याक्सको विष्फोटक शतकीय इनिङको मद्दतमा इंडियन प्रिमियर लिग अन्तर्गत आईतबार भएको पहिलो खेलमा रोयल च्यालेनजर्स बेंगलूरु (आरसिबि) ले सानदार जित दर्ता गरेको छ । आरसिबिले गुजरात टाईटन्स माथि ९ विकेटको फराकिलो जित दर्ता गरेको हो । गुजरातले दिएको २०१ रनको विशाल लक्ष्य आरसिबिले १६ ओभरमै १ विकेट मात्र गुमाएर भेटायो । आरसिबिका […]