काठमाडौं (हाम्रो खेलकुद) – अष्ट्रेलियन प्रशिक्षक डेभ ह्वाटमोर नेपाली क्रिकेटको मुख्य प्रशिक्षक बन्न पुन: आवेदन दिएका छन् । नेपाल क्रिकेट संघ (क्यान) ले अघिल्लो साता नेपाली क्रिकेट टोलीको मुख्य प्रशिक्षकको लागि खुल्ला माग गरेको थियो । त्यसमा अघिल्लो वर्ष नेपाली क्रिकेट टोलीको मुख्य प्रशिक्षक छाडेर भारतीय रणजी ट्रफी बरोडा हेर्न गएका देव ह्वाटमोरले पनि आवेदन दिएका छन् ।

क्यानका कार्यवाहक सचिव प्रशान्त विक्रम मल्लले ह्वाटमोरले पनि आवेदन दिएको पुष्टि गरेका छन् । दुई वर्षअघि ह्वाटमोरको प्रशिक्षकमा नेदरल्यान्ड्स र मलेसियाविरुद्ध त्रिकोणात्मक सिरिजमा सानदार प्रदर्शनका साथ उपाधि जितेको थियो ।

उनको प्रशिक्षकमा सट छनोट, डट बलमा कमी, आक्रामक ब्याटिङ, कमजोर ब्याटिङ सुधार, टिम सन्तुलन र उच्च मनोबलले नेपाली क्रिकेटमा नयाँ आशाको दियो बलेको थियो । अर्कोतर्फ भद्रगोल ब्याटिङक्रम समस्या पनि सुधार देख्न सकिन्थ्यो ।

उनले आइसिसी विश्वकप लिग–२ अन्तर्गत ओमान र अमेरिकासँग खेल्नु अघि पपुवा न्युगिनीसँग दुई अ‍ेडिआई सिरिज खेलेपछि गतवर्ष भदौंमा नेपाली क्रिकेट छाडेका थिए । ह्वाटमोरको प्रशिक्षकमा सन् १९९६ मा श्रीलंकाले विश्वकप उपाधि जितेको थियो । ह्वाटमोरले नेपालमा ८ महिना अवधिमा ब्याटिङमा कान्तिकारी परिवर्तन ल्याएका थिए । ब्याटिङमा उनले धेरै आशा देखाउँदै छाडेर गएका थिए ।

अघिल्लो महिना नेपालले भारतीय प्रशिक्षक मनोज प्रभाकरलाई हटाएको थियो । नेपालले मुख्य प्रशिक्षकमा मोन्टी देशाईलाई ल्याउने चर्चा चल्दै आएको छ । मोन्टी देशाईले पनि आवेदन दिएको क्यानले पुष्टि गरेको छ । नेपालले अर्को महिना घरेलु मैदान टियुमा आइसिसी विश्वकप लिग २ त्रिकोणात्मक ओडिआई सिरिजमा स्कटल्यान्ड र नामिबियासँग खेल्दैछ ।

आवेदन दिने अन्तिम मिती भने गत शुक्रबार सम्म थियो । क्यानले २७ जनाको आवेदन परेको जनाएको छ । जसबाट सर्ट लिष्ट गर्नेछ । सर्ट लिष्टमा सबै सहमती मिलेपछि नेपालको मुख्य प्रशिक्षक घोषणा गर्नेछ ।

त्यसैले नेपालले चाँडै नै मुख्य प्रशिक्षकको नाम टुङ्गाउनेछ । नेपालले आइसिसी विश्वकप लिग २ मा अव १२ खेल खेल्न बाँकी छ । जसमा शीर्ष पाँचमा रहँदै ओडिआई मान्यता जोगाउन नेपालले कम्तिमा १० खेल जित्नु पर्ने हुन्छ । तर पछिल्लो समय नेपालको ब्याटिङ भने सम्झन लायक छैन ।

यो पनि: मोन्टी देशाइ मुख्य प्रशिक्षक बन्ने उच्च सम्भावना

नेपाल फर्कने प्रशिक्षक ह्वाटमोरको इच्छा

३० महिनामै सिनियर टोलीमा पाँच प्रशिक्षक

ह्वाटमोरले राजीनामा दिनुका पाँच कारण