default_image

8 months ago

July 5, 2023

विश्वकप छनोटमा राम्रो प्रदर्शन गर्ने पाँच नेपाली खेलाडी

काठमाडौं (हाम्रो खेलकुद) – नेपाल जिम्बावेमा जारी आइसिसी विश्वकप छनोटमा आठौं स्थानमा रहेर बाहिरिन पुग्यो । नेपालले कुल ६ खेलमा ४ मा हार र २ मा जितका साथ आठौं स्थानमा अन्त्य गर्यो । नेपाल विश्वकप छनोट खेल्न जानुअघि सुपर सिक्समा पुग्ने अनुमान गरिएको थियो । तर नेपाल जिम्बावेसँग ८ विकेट, नेदरल्यान्ड्ससँग ७ विकेट र वेस्टइन्डिजसँग […]

226 views

0 Bookmark

काठमाडौं (हाम्रो खेलकुद) – नेपाल जिम्बावेमा जारी आइसिसी विश्वकप छनोटमा आठौं स्थानमा रहेर बाहिरिन पुग्यो । नेपालले कुल ६ खेलमा ४ मा हार र २ मा जितका साथ आठौं स्थानमा अन्त्य गर्यो ।

नेपाल विश्वकप छनोट खेल्न जानुअघि सुपर सिक्समा पुग्ने अनुमान गरिएको थियो । तर नेपाल जिम्बावेसँग ८ विकेट, नेदरल्यान्ड्ससँग ७ विकेट र वेस्टइन्डिजसँग १ सय १ रनले पराजित हुँदै समूह ए बाटै बाहिरिएको थियो ।

नेपालले समूह चरणमा एक मात्रै खेल अमेरिकामाथि ६ विकेटको जित हात पारेको थियो । विश्वकप छनोटमा नेपाली खेलाडीको प्रदर्शन औसत रह्यो । समग्र विश्वकप छनोटमा राम्रो प्रदर्शन गर्ने पाँच नेपाली खेलाडी यस प्रकार छन् ।

५. ललितनारायण राजवंशी – स्पिनर

स्पिनर ललित नारायण राजवंशीले प्रतियोगितामा ३ खेलमा २४ ओभर बलिङ गर्दै १ सय ६ रन खर्चेर ४ विकेट लिए । उनले विकेट भन्दा पनि पुरै खेलमा आफ्नो राम्रो प्रभाव छाड्न सफल भए । पहिलो खेलमा जिम्बावेविरुद्ध ललित बेन्चमा थिए ।

सोमपाल घाइते भएपछि नेपालले ललितलाई मौका दिएको थियो । ललितले अमेरिकाविरुद्ध १० ओभरमा २० रन खर्चेर १ विकेट लिएका थिए ।

उक्त खेलमा नेपालबाट सबैभन्दा उत्कृष्ट इकोनमीमा बलिङ गर्ने बलर थिए । उनले अमेरिको इनिङ बचाएका सुशान्त मोदानीलाई ४२ रनमा बोल्ड गरेका थिए । दोस्रो खेलमा वेस्टइन्डिजविरुद्ध उनले १० ओभरमा ५२ रन खर्चेर ३ विकेट लिएका थिए । उक्त खेलमा ललितले शाई होप, रोभम्यान पावेल र किमो पलको विकेट लिएका थिए । नेदरल्यान्ड्सविरुद्ध भने उनले ४ ओभरमा ३४ रन खर्चिन पुगे । समग्रमा उनले प्रदर्शन भने प्रभावशाली थियो ।

४. दीपेन्द्रसिंह ऐरी – अलराउन्डर

एक महिना अघि खराब प्रदर्शनको कारण प्रिमियर कपको फाइनलमा युएईविरुद्ध बेन्चमा बसेका दीपेन्द्रले जिम्बावेबाट भने राम्रो पूनरागमन गरे । दीपेन्द्रले ६ खेलमा १ सय ६१ रन बनाउनुको साथै ४ विकेट लिए ।

दीपेन्द्रले प्रतियोगिता भर १ सय ७० बल खेल्दा १४ चौका र ४ छक्का हानेका थिए । अमेरिकालाई ६ विकेटले हराउन दीपेन्द्रले उत्कृष्ट अन्त्य गर्दै ३२ बलमा ५ चौका र १ छक्कासहित ३९ रनमा नट आउट थिए । बलिङमा उनले ५ ओभरमा १५ रन खर्चेर २ विकेट लिएका थिए । १ सय ८२ रनको विजयी लक्ष्य पछ्याएको नेपाल युएईविरुद्ध ६३-६ को अवस्थाबाट ७९ रनको अविजित इनिङ खेलेका थिए ।

३. कुशल भुर्तेल – ब्याटर

विश्वकप छनोटमा कुशल नेपालबाट सर्वाधिक रन बनाउने ब्याटर बने । उनले ६ खेलमा २ सय ७५ बल खेल्दै २६ चौका र ३ छक्कासहित कुल २ सय १३ रन बनाएका थिए । पहिलो खेलमै कुशल भुर्तेलले जिम्बावेविरुद्ध ९५ बलमा १३ चौका र २ छक्कासहित ९९ रनको एक यादगार इनिङ खेलेका थिए ।

पहिलो विकेटका लागि उनले आसिफ शेखसँग मिलेर १ सय ७१ रनको शतकीय साझेदारी गरेका थिए । कुशल स्पिनर वेंलिग्टन मसाकाड्जाबाट बोल्ड आउट भएपछि नेपालबाट टेस्ट टोलीविरुद्ध शतक हान्ने कीर्तिमान बनाउन चुकेका थिए । कुशलले अमेरिकाविरुद्ध ३९, वेस्टइन्डिजसँग ५, नेदरल्यान्ड्ससँग २७, युएई ३५ र आयरल्यान्डसँग ८ रनमा आउट भएका थिए ।

भुर्तेलले फिल्डिङमा पनि राम्रो प्रदर्शन गरे । उनले वेस्टइन्डिजका ओपनर कायल मेयर्सको लामो दौडका साथ लिएको क्याचले आइसिसीको साताकै उत्कृष्ट अवार्ड जितेको थियो ।

२. करण केसी – बलर

नेपालका तीव्र गतिका बलर करण केसीले ६ खेलमा १२ विकेट लिँदै उच्च प्रदर्शन गरे । सबै खेलमा पावर प्लेमा उनले नेपाललाई उत्कृष्ट सुरुवात दिलाएका थिए ।

जिम्बावेविरुद्ध ४ ओभरमा २६ रन खर्चेका करणले त्यसपछि राम्रो प्रदर्शन गरे । उनले अमेरिकाविरुद्ध पावर प्लेमा चार विकेट लिँदै नेपालको जित सहज बनाएका थिए । करणले युएईविरुद्ध तीन र आयरल्यान्डविरुद्ध चार विकेट लिएका थिए । सबै खेलमा नेपालको पहिलो तीव्र गतिको बलरको रुपमा खेलेका करणको प्रदर्शन समग्रमा राम्रो रह्यो ।

यो पनिः बुमराहको भन्दा करणको उत्कृष्ट बलिङ सुरुवात

१. गुलशन झा – अलराउन्डर

नेपालका गुलशन झाले विश्वकप छनोटमा अलराउन्ड प्रदर्शन गरे । गुलशनले ६ खेलमा १ सय ३९ रन बनाउनुको साथै ८ विकेट लिएका थिए । गुलशनले जिम्बावेसँग १ र अमेरिकासँग ३ विकेट लिएका थिए ।

गुलशनले वेस्टइन्डिजविरुद्ध ५८ बलमा ५ चौका र १ छक्कासहित ४२ रन बनाएका थिए । आयरल्यान्डविरुद्ध ४२ बलमा ४ चौका र ३ छक्कासहित ५७ रन जोडेका थिए । गुलशनले तल्लोक्रममा खुलेर खेलेका थिए । विशेषगरी तल्लोक्रममा टेस्ट टोलीविरुद्ध उनको प्रदर्शन राम्रो थियो । तीव्र गतिको बलिङमा राम्रो प्रभाव छाड्न सफल भए ।

गुलशन झाको पूरा क्रिकेट जीवनी : गुलशनको अविश्वसनिय राष्ट्रिय टोलीको यात्रा

गुलशन बने ओडिआई खेल्ने कान्छा एसोसिएट खेलाडी

February 24, 2024

पूरा हुँदै सपना – सिलान्यासको ९ महिनामा क्रिकेट मैदान तैयार

सुमन अधिकारी,बुटवल आफूले बनाउन लागेको क्रिकेट मैदान तोकिएको समयमा निमार्ण पूरा गरि खेल खेलाउने बताउदै गर्दा विनोद कुँवरको कुरा धेरैले पत्याउन सकेका थिएनन् । तर आज बनजर जमिनलाई सम्याएर सिल्यान्यास गरिएको ९ महिनामा क्रिकेट खेल आयोजनाको घोषणा गर्दै गर्दा धेरै जना आश्चार्यमा पर्नु स्वभाविक छ । यो अवस्था सिर्जना भएको हो रुपन्देहीको तिलोत्तमा नगरपालिका वडा […]

February 23, 2024

अष्ट्रेलियाद्वारा न्यूजिल्याण्डविरुद्ध टि-२० सिरिज कब्जा

एजेन्सी – न्यूजिल्याण्डमा जारी अष्ट्रेलिया र घरेलु टोलीको बीचको तीन खेलको टि-२० शृंखला पाहुना टोलीले कब्जा गरेको छ । अष्ट्रेलियाले एक खेलमा बाँकी रहँदै शृंखला २-० ले कब्जा गरेको हो । पहिलो खेलमा ६ विकेटको रोमाञ्चक जित निकालेको अष्ट्रेलियाले दोस्रो खेलमा आज ७२ रनको फराकिलो जित दर्ता गर्दै शृंखला जितेको हो । १७५ रनको लक्ष्य […]

February 23, 2024

भारतविरुद्धको चौथो टेस्टमा रुटको शतक

एजेन्सी – भारतविरुद्धको चौथो टेस्टमा पहिलो दिन इङ्ल्यान्ड जो रुटले शतक पूरा गरेका छन् । टस जितेर पहिले ब्याटिङ रोजेको इङ्ल्यान्डले ७ विरुटले नटआउट १ सय ६ रन बनाएका छन् । ३१ रनमा नटआउट रहँदै ओली रविन्सनले रुटलाई साथ दिइरहेका छन् । टेस्ट क्रिकेटमा रुटको ३१ औं शतक हो । बेन फोक्सले ४७, जोनी ब्रेन्सकेटको […]

Success

Thank you for your time.