default_image

3 years ago

September 15, 2021

ओमानविरुद्ध बनेका नेपालका चार कीर्तिमान

काठमाडौं (हाम्रो खेलकुद) – नेपाल आइसिसी विश्वकप लिग–२ त्रिकोणात्मक ओडिआई सिरिजको दोस्रो खेलमा मंगलबार राती ओमानसँग ५ विकेटले पराजित भएको छ । नेपालले प्रस्तुत गरेको १ सय ९७ रनको विजयी लक्ष्य ओमानले ३१.१ ओभरमा ५ विकेट गुमाउँदै पूरा गर्यो । ओमानको जितमा जतिन्दर सिंहले ६२ बलमा १२ चौका र ६ छक्का सहित सर्वाधिक १ सय […]

34 views

0 Bookmark

काठमाडौं (हाम्रो खेलकुद) – नेपाल आइसिसी विश्वकप लिग–२ त्रिकोणात्मक ओडिआई सिरिजको दोस्रो खेलमा मंगलबार राती ओमानसँग ५ विकेटले पराजित भएको छ ।

नेपालले प्रस्तुत गरेको १ सय ९७ रनको विजयी लक्ष्य ओमानले ३१.१ ओभरमा ५ विकेट गुमाउँदै पूरा गर्यो । ओमानको जितमा जतिन्दर सिंहले ६२ बलमा १२ चौका र ६ छक्का सहित सर्वाधिक १ सय ७ रनको विष्फोटक शतकीय इनिङ खेल्दै सहज जित दिलाएका थिए । जतिन्दरका सामू नेपाली बलर निरिह साबित बने । मोहम्मद नदिम ६५ बलमा २ चौका र १ छक्का सहित ३८ रनमा अविजित रहे ।

त्यसअघि अल अमरेत क्रिकेट मैदानमा टस जितेर पहिला ब्याटिङ थालेको नेपाल ४७.४ ओभरमा १ सय ९६ रनमा अल आउट भएको थियो । नेपालका लागि आसिफ शेखले १ सय १२ बलमा ७ चौका र १ छक्का सहित सर्वाधिक ९० रनको योगदान दिए । ओमानसँगको हारमा नेपाल र खेलाडीको नाममा केहि खराब कीर्तिमान बनेका छन् । तीव्र गतिका बलर सोमपाल कामीले आफ्नै कीर्तिमान तोड्दै झन् खराब कीर्तिमान बनाएका छन् । ओमान नेपालले बनाएका चार कीर्तिमानहरु यस प्रकार छन् ।

४. नेपालविरुद्ध सर्वाधिक छिटो शतक

जतिन्दर नेपालविरुद्ध ओडिआईमा सर्वाधिक छिटो शतक प्रहार गर्ने खेलाडी हुन् । समग्रमा आडिआईमा नेपालविरुद्ध शतक प्रहार गर्ने उनी तेस्रो खेलाडी हुन् । मंगलबार राती ओमानलाई सहज जित दिलाउन जतिन्दरले ६० बलमा शतक प्रहार गरेका थिए । यसअघि गतवर्ष ओमानकै अकिब इलायसले नेपालविरुद्ध १ सय २ बलमा शतक प्रहार गरेका थिए । अकिब नेपालविरुद्ध ओडिआईमा शतक प्रहार गर्ने पहिलो खेलाडी हुन् । सोमबार १ सय १३ बलमा अमेरिका विकेटकिपर मोनांक पटेलले नेपालविरुद्ध शतक प्रहार गरेका थिए ।


३. सोमपालको नेपाली ओडिआईकै महँगो ओभर

सोमपाल कामीले पाँचौं ओभरमा ओमानविरुद्ध समान तीन चौका र छक्का सहित कुल ३० रन खर्चेका थिए । जुन नेपाली बलरले ओडिआईमा एकै ओभरमा खर्चेको उच्च रन हो । यसअघि २०१९ मा सोमपलले युएईविरुद्ध तेस्रो ओडिआई खेलमा अन्तिम ओभरमा दुई चौका र दुई छक्का सहित कुल २३ रन खर्चेका थिए । मंगलबार सोमपलले झन खराब कीर्तिमान बनाएका हुन् ।


२. ओपनरको रुपमा आसिफको सर्वाधिक रन

नेपाल पराजित भएपनि ओपनर आसिफ शेखले नेपालबाट ओडिआईमा ओपनरको रुपमा सर्वाधिक धेरै रन बनाउने कीर्तिमान बनाउन पुगेका थिए । यसअघि ओडिआईको एकै खेलमा सर्वाधिक धेरै रन सोमबार कुशल भुर्तेलले अमेरिकाविरुद्ध ८४ रन बनाएका थिए । एकै खेलमा नेपालबाट ओडिआईमा सर्वाधिक धेरै रन बनाउने कीर्तिमान पारसको नाममा छ । पारसले २०१९ मा यूएईविरुद्ध तेस्रो ओडिआई खेलमा १ सय १५ रन बनाएका थिए । ओडिआईमा एकै खेलमा सर्वाधिक धेरै रन बनाउने सूचिमा आसिफ दोस्रो स्थानमा रहँदा रोहित ८६ रनका साथ तेस्रो र कुशल भुर्तेल चौथो स्थानमा छन् ।


१.नेपालको सर्वाधिक खराब पावर प्ले


नेपालले ओमानसँग खेलमा पहिलो पावर प्ले अर्थात सुरुवाती १० ओभरमा १ विकेट लिँदै १ सय ८ रन खर्चेको थियो । यो नेपालले ओडिआईमा खर्चेको हालसम्मकै धेरै रन हो । यसअघि नेपालले २०१८ को एसिया कप छनोट अन्तर्गत युएईविरुद्ध पावर प्लेमा ६४ रन खर्चेको थियो । ओडिआई इतिहासमा एकै खेलमा सर्वाधिक धेरै रन पावर प्लेमा १ सय ३३ रन छ । जुन श्रीलंकाले २००५ मा इंग्ल्यान्डविरुद्ध पाँचौं खेलमा सुरुवाती १० ओभरमा कुनै विकेट नगुमाई १ सय ३३ रन बनाएको थियो ।

यो पनि पढ्नुहोस् : नेपालले ओमानसँग हार्नुका पाँच कारण

March 29, 2024

नेपाल ‘ए’ र आयरल्यान्ड वल्भ्स खेल्दै

काठमाडौं (हाम्रो खेलकुद) – नेपाल ‘ए’ र आयरल्यान्ड वल्भ्सले टि२० सिरिजको पहिलो खेलमा शुक्रबार खेल्दैछन् । खेल नेपाली समय अनुसार दिउँसो १ बजे टियु अन्तर्राष्ट्रिय क्रिकेट मैदानमा हुनेछ । लगातार वर्षाका कारण मैदान भिजेपछि विहीबार हुने भनिएको पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने जानकारी दिएको […]

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

Success

Thank you for your time.