एजेन्सी – आइसिसी टि२० विश्वकप २०२१ मा पाकिस्तानले आफ्नो समूह चरणको अन्तिम खेलमा स्कटल्यान्डसँग खेल्दैछ । सुपर १२ को समूह २ मा रहेको पाकिस्तान अपराजित रहँदै सेमिफाइनल खेल्ने सोचमा छ । खेल नेपाली समय अनुसार बेलुका ७ : ४५ मा शारजाह क्रिकेट स्टेडियममा सुरुहुनेछ ।

पाकिस्तान ४ खेलमा ४ मानै जितका साथ सेमिफाइनलमा पुगि सकेको छ । स्कटल्यान्ड समान खेलमा जित बिहिन हुँदै बाहिरि सकेको छ । पाकिस्तानलाई समूह विजेता बन्दै सेमिफाइनल खेल्न जित्नैपर्नु पर्ने हुन्छ । आज हुने पहिलो खेलमा न्युजिल्यान्डले अफगानिस्तानलाई हराउँदै सेमिफाइनल खेल्ने सोचमा छ । न्युजिल्यान्ड पराजित भएको खण्डमा भने भारत नेटरनरेटको आधारमा सेमिफाइनल खेल्ने सम्भावना उच्च छ ।

पाकिस्तानले पहिलो खेलमा भारतलाई १० विकेट र दोस्रो खेलमा न्युजिल्यान्डलाई ८ विकेटले पराजित गरेको थियो । अफगानिस्तानलाई ५ विकेट र नामिबियालाई ४५ रनले पराजित भएको थियो । पाकिस्तान आजको खेलमा विजयी भएमा १० अंकका साथ अपराजित रहँदै शीर्ष स्थानमा रहनेछ ।

सेमिफाइनलमा पाकिस्तानले शीर्ष स्थानमा रहनसके सुपर १२ को समूह १ को उप विजेता अष्ट्रेलियासँग खेल्नेछ । तर आजको खेलमा अप्रत्याशि हार बेहोरेको खण्डमा र उता न्युजिल्यान्ड विजयी भएमा भने पाकिस्तान उपविजेता बन्नेछ । पाकिस्तान भन्दा न्युजिल्यान्ड अघि छ । पाकिस्तानको नेटरनरेट प्लस १. ०६५ र न्युजिल्यान्डको प्लस १.२७७ छ ।

पाकिस्तानका कप्तान बाबर आजम र मोहम्मद रिजवान उच्च लयमा छन् । यी दुई ब्याटरले आफ्नो उत्कृष्ट प्रदर्शनमा सहज जित दिलाउन सक्छन् । बाबरले चार मध्य तीन खेलमा अर्धशतक प्रहार गरेका छन् । रिजवानले ४ मध्य दुई खेलमा अविजित इनिङ खेलेका थिए । चार खेलमा दुई पटक शतकीय साझेदारी गरेका छन् । भारतलाई हराउन १ सय ५२ रनको अविजित शतकीय साझेदारी गरेका थिए ।

नामिबियाविरुद्ध १ सय १३ रनको शतकीय साझेदारी गरेका थिए । फखार जमान र आसिफ अली दुबै राम्रो लयमा छन् । दुबै आक्रामक ब्याटिङका लागि चिनिन्छन् । बलिङमा हरिस रौफ, हसन अली र शाहिन शाह अफ्रिदी तीव्र गतिका बलिङ हतियार हुन् । रौफ र अफ्रिदीको बलिङको गतीमै स्कटल्यान्डका ब्याटर दबाबमा पर्न सक्छन् ।

यता स्कटल्यान्ड अन्तिम खेलमा जितका साथ विश्वकप सकाउन चाहन्छ । स्कटल्यान्ड सुपर १२ मा अफगानिस्तानसँग १ सय ३० रन, नामिबियासँग ४ विकेट, न्युजिल्यान्डसँग १६ रन र भारतसँग ८ विकेटले पराजित भएको थियो । स्कटल्यान्डका ओपनर जर्ज मुन्शेले पाकिस्तानका बलरलाई निराश बनाउन सक्छन् । मुन्शे राम्रो लयमा छन् । म्याथ्यु क्रस र माइकल लिस्क प्रमुख ब्याटरमा पर्दछन् । शफ्यान सारिफ, ब्राडली व्हील र मार्क वाट बलिङ अलराउन्डर हुन् ।

हेड टु हेड :

पाकिस्तान र स्कटल्यान्डबीच हालसम्म तीन टि२० आई खेल भएका छन् । तीनै खेलमा स्कटल्यान्ड पराजित भएको थियो । २००७ को टि२० विश्वकपमा पाकिस्तान ५१ रनले विजयी भएको थियो । २०१८ को दुई टि२० आई सिरिजमा पाकिस्तान ४८ रन र ८४ रनले विजयी भएको थियो ।

यो पनि पढ्नुहोस् : नामिबिया र स्कटल्यान्ड टि२० विश्वकप २०२२ मा सोझै छनोट

न्युजिल्यान्डलाई सजिलै सेमिफाइनलमा पुग्ने अवसर

अफगानिस्तानको हातमा भारतको विश्वकप भविष्य