एजेन्सी – ब्राजिली भेट्रान डिफेन्डर ड्यानी आल्भेसमा विशेष चरित्र छ । जो सबैभन्दा राम्रो र उत्तिकै खराब गर्न पनि माहिर छन् । बार्सिलोना र एट्लेटिको म्याड्रिडबीचको आइतबार राति भएको खेलमा के भयो त्यसले आल्भेसको त्यही कुरालाई प्रमाणित गर्दछ ।

ब्राजिलियन राइट ब्याक आफ्नो ३८ वर्षको उमेरको बावजुत यस संक्रमणकालीन अवधिमा टोलीलाई मद्दत गर्न यसै विन्टरमा बार्सिलोनामा सामेल भए । आल्भेसले निसन्देह टोलीमा आनन्द र अनुभव दुवै ल्याउँछन् ।

६८औं मिनेटसम्म आल्भेसले बार्सिलोनाका लागि गज्जबकै प्रदर्शन गरिरहेका थिए । उनल अतिरिक्त मिडफिल्डरको रुपमा खेल र आक्रमणमा विशेष रुपमा खेले । आल्भेसले टोलीको बल पोसेसन राख्दै लगातार एट्लेटिकोमाथि दबाब सिर्जना गराइरह्यो ।

बार्सिलोना आठौं मिनेटमा यान्निक कारास्कोको गोलबाट पछि प¥यो । तर, १०औं मिनेटमा जोर्डी अल्बाले दर्शनीय गोल गर्दा आल्भेसले असिस्ट दिए । र त्यसपछि ४९औं मिनेटमा आँफैले गोल गरे । दोस्रो हाफको शुरुमै उनले बक्सको ठीक बाहिरको सशक्त प्रहारलाई एट्लेटिकोका गोलरक्षक जान ओब्लाकले बचाउने कुनै मौका नै पाएनन् ।

आल्भेसले गोल गर्दै टोलीले ४–१ को सहज अग्रता बनाइसकेको थियो । त्यसपछि उनी नायकबाट खलनायक बन्न पुग्यो । उनले ६९औं मिनेटमा यान्निक कारास्कोलाई फउल गर्दै सिधै रातो कार्ड खाँदै मैदानबाट बाहिरिए । ला लिगामा आल्भेसलाई देखाइएको यो १०औं रातो कार्ड थियो । उनी मैदानबाट ड्रेसिङ रुममा जाँदा उनले समर्थहरुबाट उत्तिकै माया पाएका थिए ।

उक्त खेलमा बार्सिलोना ४–२ ले विजयी हुन सफल भयो । आल्भेसले रातो कार्ड खानुअघि ५८औं मिनेटमा लुइस सुआरेजले गोल गर्दै खेललाई ४–२ को स्थितिमा ल्याएपनि त्यसपछि थप गोल निस्कन सकेन । यो जितले बार्सिलोना २२ खेलबाट ३८ अंक जोडेर चौथो स्थानमा उक्लदा एट्लेटिको ३६ अंक जोडेर पाँचौ स्थानमा झरेको छ ।