काठमाडौं (हाम्रो खेलकुद) – अखिल नेपाल फुटबल संघ (एन्फा) को आज बस्ने भनिएको कार्यसमितिको बैठक स्थगित हुने भएको छ । अध्यक्ष पंकजविक्रम नेम्बाङ अस्वस्थताका कारण अस्पतालमा रहँदा बैठक स्थगित भएको हो ।

एन्फाका महसचिव किरण राईका अनुसार अत्यधिक रक्तचापका कारण नेम्बाङलाई ललितपुरको मेडिसिटी अस्पताल पुर्याइएको छ । प्रारम्भिक परिक्षणपछि उनको रक्तचाप बढेको र ६ घण्टापछि थप परिक्षण गर्नुपर्ने हुनाले उनलाई हाल अस्पताल राख्नुपर्ने भएको छ । महासचिव राईले अर्को सूचना नआएसम्मका लागि बैठक स्थगित गर्नुपरेको जानकारी दिए ।

असार ६ गते निवार्चित कार्यसमितिको पहिलो बैठक असार ९ गते बसेको थियो । उक्त बैठकले महासचिव, कोषाध्यक्ष र विदेश विभाग प्रमुखको नियुक्ती गरेको थियो । आजको बैठकले थप केहि नियुक्ती गर्ने बुझिएको थियो । बैठकमा विविध बाहेक १७ वटा एजेण्डा राखिएको छ ।

महासचिव किरण राईले असार २४ गते विविधसहित १२ बुँदे एजेण्डा पदाधिकारी र सदस्यहरुलाई इमेलमार्फत पठाएका थिए । पछि उपाध्यक्षद्वय दीपक खतिवडा एउटा र दीर्घबहादुर (कुमार) केसीले ५ वटा एजेण्डा थप गर्न माग गरेपछि एन्फा नेम्बाङ त्यसलाई बैठकमा प्रस्तुत गर्न तयार भएका थिए ।

यो पनि :

एन्फा सिइओ नियुक्तीको प्रस्ताव पेचिलो बन्ने सम्भावना !

गौरवलाई सिइओ नभई सहायक महासचिवमा प्रस्ताव गर्ने सम्भावना !