एजेन्सी – प्रि–सिजनको मैत्रीपूर्ण खेलमा लन्डन क्लब चेल्सीले प्रिमियर लिग प्रतिद्धन्द्धी आर्सनलसँग लज्जास्पद हार बेहोरेको छ । चेल्सीले आर्सनलसँग ४–० को लज्जास्पद हार बेहोरेको हो ।

आर्सनलको सानदार जितमा गाब्रियल जेसस, मार्टिन ओडेगार्ड, बुकायो साका र अल्बर्ट साम्वी लोकंगाले गोल गरे । अमेरिकामा आइतबार बिहान भएको खेलको १५औं मिनेटमा जेससको गोलबाट आर्सनलले अग्रता लिएको थियो ।

उनले वान भर्सेस वानको स्थितिमा गोलरक्षक एडुआर्ड मेन्डीअघि बढेको अवस्थामा चिप प्रहारले पोस्टको दिशा लिएको थियो । ३६औं मिनेटमा मार्टिन ओडेगार्डले गोल गर्दै आर्सनलको अग्रता दोब्बर पारे ।

६६औं मिनेटमा बुकायो साकाले गोल गरेपछि आर्सनल सहज जिततर्फ अग्रसर भयो । त्यसपछि सब्सिच्युट अल्बर्ट साम्वी लोकंगाले इन्ज्युरी समयको थप गरिएको दोस्रो मिनेटमा गोल गर्दै चेल्सीलाई फराकिलो हार चखाए । अल्बर्ट साम्वी लोकंगा ७८औं मिनेटमा ग्रानिट झाँकाको स्थानमा मैदान प्रवेश गरेका थिए ।

प्रि–सिजनको आर्सनलको यो लगातार चौथो जित हो । यसअघि आर्सनलले नर्नवर्ग, एभर्टन र ओर्लान्डो सिटीलाई पराजित गरेको थियो । प्रि–सिजनमा पहिलो हार बेहोरेको चेल्सीले यसअघि क्लब अमेरिकालाई हराउँदा चार्लाेटसँग पेनाल्टी सुटआउटमा पराजित भएको थियो ।