काठमाडौं (हाम्रो खेलकुद) – भियतनाममा जारी एएफसी यू–१७ एसियन कप छनोटको आफ्नो अन्तिम खेलको पहिलो हाफमा नेपाल ले पछाडि परहेको छ । चाइनिज ताइपेसँगको खेलको पहिलो हाफको समाप्तीमा नेपाल २–१ ले पछाडि रहेको छ ।

लिन हाइ चिङ र ताइ यान याउको गोलमा नेपाल पछाडि परेहेको हो । नेपालका लागि कप्तान प्रशान्त लक्षमले गोल फर्काएका थिए । तेस्रो मिनेटमा चिङको गोलबाट चाइनिज ताइपेले अग्रता लिएको थियो । १० औं मिनेटमा प्रशान्तले बराबरी गोल फर्काएका थिए । रिबाउन्डमा प्राप्त बलमा उनले गोल गरेका हुन् । छनोटमा नेपालको यो पहिलो गोल हो । २८ औं मिनेटमा कर्नरमा आएको बललाई याउले हेडमार्फत गोल गर्दै चाइनिज ताइपेलाई अघि बढाएका थिए ।

यसअघि नेपाल पहिलो खेलमा थाइल्यान्डसँग ३–० र आयोजक भियतनामसँग ५–० ले पराजित भएको थियो । समूह एफको छनोट चरणबाटै बाहिरि सकेका नेपाल र चाइनिज ताइपेबीचको यो खेललाई प्रतिष्ठाको लडाईका रुपमा हेरिएको छ। भियतनाम र थाइल्यान्डबीच समूह विजेताका लागि प्रतिस्पर्धा हुनेछ ।

भियतनामसँगको खेलमा भन्दा मुख्य प्रशिक्षक उर्जन श्रेष्ठले २ खेलाडी परिवर्तन गरेका न् । डिफेन्डर आश्विन घोरासैनीको स्थानमा विक्रम तामांङ मैदानमा छन् । युनेश बुढाथोकीलाई बेन्चमा राख्दै प्रशिक्षक श्रेष्ठले सरोज दर्लामीलाई मौका दिएका हुन् ।