2 years ago
October 13, 2022
पोखरा (हाम्रो खेलकुद) – राष्ट्रिय टोलीका सदस्य अन्जन विष्ट र सुनिल बलको गोलमा बागमती प्रदेशले नवौं राष्ट्रिय खेलकुद प्रतियोगिता अन्तरगत पुरुष फुटबलमा विजयी सुरुआत गरेको छ ।
बागमतीले मधेश प्रदेशलाई २–० ले पराजित गरेको हो । पहिलो हाफ गोलरहित बराबरीमा रोकिएपनि बागमतीले दोस्रो हाफमा दुई गोल गर्दै सहज जित निकालेको हो ।
पोखराको याम्दीस्थित गोस्टेघाट खेल मैदानमा बिहीबार भएको खेलको ३९औं मिनेटमा सुनिलको गोलबाट बागमतीले अग्रता लिएको थियो । ४५औं मिनेटमा अञ्जन विष्टले पेनाल्टीमार्फत गोल गर्दै बागमतीको अग्रता दोब्बर पारे ।
खेलको पहिलो हाफमा मधेश प्रदेशले बागमतीलाई दबाबमा राखेपनि गोल गर्न नसक्दा हार बेहोर्न पुग्यो । समय अभावका कारण खेल ७० मिनेट खेलाइएको थियो । पहिलो खेल निर्धारित समयभन्दा झन्डै २ घन्टा ढिला गरी सुरु हुँदा त्यसको प्रभाव दोस्रो खेलमा पनि देखिएको थियो ।
बिहिबारको पहिलो खेलमा एनआरएनएले प्रदेश नम्बर १ लाई २–० गोलअन्तरले पराजित गदर्दै विजयी सुरुआत गरेको छ ।एनआरएनएको जितमा विमल घर्तीमगर र सन्जोक राईले गोल गरे ।
प्रतियोगिता अन्तरगत शुक्रबार लुम्बिनी प्रदेश र त्रिभुवन आर्मी क्लबबीच पहिलो तथा कर्णाली र सुदुरपश्चिम बीच दोस्रो खेल हुनेछ ।
October 8, 2024
काठमाडौं (हाम्रो खेलकुद)- दक्षिण एसियाली फुटबल महासंघ साफको तालिका अनुसार साफ वुमन्स च्याम्पियनसिप फुटबलको तयारी अघि बढिरहेको अखिल नेपाल फुटबल संघ ( एन्फा) ले जनाएको छ।साफ कात्तिक १ देखि १४ गते सम्म दशरथ रंगशालामा हुँदैछ। दशरथ रंगशालाको स्तर सुधार गर्न समय अझै केहि दिन रहेको एन्फाले जनाएको छ। असोज १८ र १९ गते दशरथ रंगशालामा […]
October 8, 2024
काठमाडौं (हाम्रो खेलकुद )- सिस्नेरीको पहिरोमा परेर मृत्यु भएका एन्फा एकेडेमीका ६ युवा खेलाडी मध्ये प्रियांश आचार्यको परिवारले घटनाको सत्यतथ्य छानबिन गरेपछि मात्र अखिल नेपाल फुटबल संघ (एन्फा) ले दिने आर्थिक सहयोग बुझ्ने बताएको छ। एन्फा अध्यक्ष पंकज विक्रम नेम्वाङसहितको टोली सोमवार धादिङ गल्छी गाउँपालिका ३ प्रियांशको घर पुग्दा उनको परिवारले तत्काल रकम लिन अस्वीकार […]
October 7, 2024
काठमाडौं (हाम्रो खेलकुद) – फुटबल मिसन टुगेदरको आयोजनामा दोस्रो भेट्रान्स कप फुटबल प्रतियोगिता हुने भएको छ । ४० वर्ष माथिका फुटबलरहरुको सहभागिता रहने प्रतियोगिता कात्तिक ३ गतेदेखि ११ गतेसम्म मध्यपुर फुटबल मैदानमा हुनेछ । अखिल नेपाल फुटबल संघ(एन्फा)को प्राविधिक सहयोग रहने प्रतियोगितामा २१ टोलीको सहभागिता रहने सोमवार आयोजित पत्रकार सम्मेलनमा जानकारी दिइयो। प्रतियोगिताको आयोजनाका लागि […]
