काठमाडौं (हाम्रो खेलकुद) – अखिल नेपाल फुटबल संघ (एन्फा) ले एएफसी यू–२० महिला एसियन कप छनोट खेल्न प्यालेस्टाइन जाने नेपाली युवा टोलीलाई आइतबार बिदाई गरेको छ ।

नेपाली युवा टोली आइतबार नै त्यसतर्फ प्रस्थान गरेका छन् । नेपाली टोलीलाई एन्फाका वरिष्ठ उपाध्यक्ष वीर बहादुर खड्का, महासचिव किरण राई, कृष्ण थापा, सरिला श्रेष्ठ र पुरुषोत्तम थापालगायतले सफलताको शुभकामनासहित बिदाई गरे ।

छनोटको पहिलो चरणमा नेपाल समूह ‘बी’ मा रहेको छ । नेपाल रहेको समूह ‘बी’ मा आयोजक प्यालेस्टाइन र नर्दन मारियाना आइल्याण्ड रहेको छ । यो समूहबाट संयुक्त अरब इमिरेट्स (युएईं) ले आफेनो नामा फिर्ता लिइसकेको छ । ]नेपालले मार्च ८ मा आयोजक तथा घरेलु टोलीसँग खेल्नेछ । त्यसपछि नेपालले १२ मार्चमा नर्दन मारियाना आइल्यान्डसँग खेल्नेछ । छनोटबाट समूह विजेताले छनोटको दोस्रो चरणमा स्थान बनाउनेछन् ।

दोस्रो चरण जुन ३ देखि ११ सम्म हुनेछ । जसबाट उत्कृष्ट ४ टोलीले उज्वेकिस्तानमा हुने यू–२० महिला एसियन कप खेल्नेछ । उज्वेकिस्तानमा हुने यू–२० महिला एसियन कप २०२४ को मार्च ३ देखि १६ सम्म हुनेछ । यू–२० महिला एसियन कपमा १६ टोलीले प्रतिस्पर्धा गर्ने छन् ।

अन्तिम टोली
गोलकिपर – कविता विक, सावित्री किसान र लिला जोशी
डिफेन्डर – सबिना चौधरी, हिमा रावत, सरु हमाल, सुनिता भुलन, दिव्या यस्माली मगर, प्रतिक्षा चौधरी र कुमारी तामाङ
मिडफिल्डर – तुलसा बोहरा, जेनिफर राणा, सारा बज्राचार्य, सुनकला राई, मनमाया दमाई, प्रीति राई, अञ्जली माचामासी, सरस्वती हमाल, दीपा शाही
फरवार्ड – गरिमा राई, अमिषा कार्की, ममता पुन, सदिपा भोलन