एजेन्सी – आर्सनललाई प्रिमियर लिगमा लगातार दोस्रो जित निकालेको छ।

भिक्टर ग्योकेरेसले व्यक्तिगत गोलको खाता खोलेको शनिवारको खेलमा आर्सेनलले लिड्स युनाइटेडमाथि ५-० को शानदार जित हासिल गर्यो । तर खेलमा मार्टिन ओडेगार्ड र बुकायो साकाले चोट बेहोरेका छन्।

खेल सुरु हुनु अघि एबेरेची एजेलाई एमिरेट्स स्टेडियममा समर्थकमाझ प्रस्तुत गरिएको थियो । नयाँ अनुहार ग्योकेरेसले पनि गोल गर्दै प्रभावशाली जितमा चम्के।

त्यसैले यो दिन आर्सनल समर्थकका लागि प्रायः उत्सवकै दिन बन्यो। तर कप्तान ओडेगार्ड पहिलो हाफ पूरा हुनुभन्दा अघि दायाँ काँध समाउँदै मैदानबाट बाहिरिनुपर्‍यो।

३४ औं मिनेटमा जुर्रियन टिम्बरले गोल गरे। त्यसपछि पहिलो हाफको इन्ज्युरी समयमा साकाले आर्सनलको दोस्रो गोल गरेका थिए।

ग्योकेरेस ४८ औं मिनेटमा टोलीका लागि तेस्रो गोल गरे। त्यसको केही समयमै साका पनि ह्यामस्ट्रिङको समस्याले मैदान छाड्न बाध्य भए। टिम्बरले ५६ औं मिनेटमा चौथो गोल थपे। पाँचौं गोल भने ग्योकेरेसले इन्ज्युरी समयमा पाएको पेनाल्टीमार्फत गरे।

अब अर्को खेलमा आर्सनलले च्याम्पियन लिभरपुलसँग प्रतिस्पर्धा गर्नेछ। आर्सनल त टोटेनहमको समान ६ अंक भएको छ।

शनिवारका अन्य खेलमा बर्नलीले सन्डरल्यान्डलाई २-० ले, बोर्नमाउथले १० खेलाडीमा सिमित वल्भ्सलाई र बेन्टफोर्डले एस्टन भिल्लालाई समान १-० ले हराएको छ। दिनको पहिलो खेलमा टोटनहमले म्यानचेस्टर सिटीलाई २-० ले पराजित गरेको थियो।