काठमाडौं (हाम्रो खेलकुद)- नेपाललाई ५-० गोल अन्तरले हराएसँगै भारत तेस्रो पटक साफ यु-१७ महिला च्याम्पियनसिपको उपाधि जित्न सफल भएको छ। भारतले यसअघि २०१८ र २०१९ मा उपाधि जितेको थियो।

यो जितमा ५ खेलबाट भारतले १५ अंक बनाउँदै एक खेल अगाडि नै उपाधि पक्का गरेको हो। अब भारत र बंगलादेशबीच हुने खेलको नतिजाको अर्थ हुनेछैन।बंगलादेशले ५ खेलबाट १० अंक बनाएको छ।

उपाधि होडबाट बाहिरिसकेको नेपाल भारत विरुद्धको दोस्रो खेलमा पनि निरिह बन्यो। भारतको जितमा पर्ल फर्नान्डेज र र दिव्यानी लिन्डाले समान २ गोल गर्दा निरा चानुले एक गोल थपिन्।

खेलको १५ मिनेटभित्र भारतले २ गोल गर्यो। निराले पाँचौं तथा पर्लले १५ औं र ४३ औं मिनेटमा गोल गर्दा भारतले पहिलो हाफमा ३-० को स्पष्ट अग्रता बनायो।

दोस्रो हाफमा पनि नेपाल विरूद्ध आक्रमक खेल खेलेको भारतको लागि दिव्यानीले ७९ औं र इन्ज्युरी समयमा गोल गरिन्। नेपाललाई सहजै ५-० ले माथ दिंदै भारत एक खेल अगाडि नै उपाधि हात पारेको हो।

नेपाल भारतसँग पहिलो खेलमा ७-० ले हारेको थियो। यो प्रतियोगितामा कमजोर प्रदर्शन गरेको नेपाल बंगलादेशसँग पहिलो खेलमा ३-० र दोस्रो खेलमा ४-१ ले पराजित भएको थियो।

भुटानलाई भने नेपालले २-१ ले हराएको छ। अब अन्तिम खेलमा नेपालले भुटानसँग खेल्नेछ। ५ खेलमा ४ मा हार र एक जित निकालेको नेपालले ३ अंक छ।‌