काठमाडौं (हाम्रो खेलकुद)- नेपाल लगातार दोस्रो हारपछि एएफसी यु-२३ एसियन कप छनोटबाट बाहिरिएको छ।

नेपाललाई आज सिरियाले ४-२ ले पराजित गर्यो। एक पटक लिएको अग्रता जोगाउन सकेन। ताजिकिस्तानमा भएको खेलमा नेपाल विरुद्ध सिरियाले २५ औं मिनेटमा अग्रता बनायो।

मोहम्मद अल मुस्तफाले नेपाली डिफेन्डरको कमजोरी गोल गरे। पहिलो हाफ १-० को नतिजामा सकियो।
दोस्रो हाफमा नेपालले आशलाग्दो सुरुवात गर्यो।

१० मिनेटभित्र नेपालले २ गोल गर्यो। खेलको ५६ औं मिनेटमा निराजन धामीको गोलमा नेपालले खेललाई १-१ को बराबरीमा पुर्यायो। खेलको ५६ औं मिनेटमा सुमित श्रेष्ठले गोल गरे।

यो सँगै नेपालले सिरिया विरुद्ध २-१ को अग्रता बनायो। निराजन र सुमित दुवै राष्ट्रिय टोलीका पनि सदस्य हुन्।
तर नेपालले यो अग्रता जिगाउन सकेन।

७७ औं मिनेटमा अलि अलरिनाको गोलमा सिरयाले खेललाई २-२ को बराबरीमा पुर्यायो। यसपछि ८१ औं मिनेटमा कप्तान मोहमाउद अलस्वादको गोलमा सिरियाले फेरि खेलमा ३-१ को अग्रता बनायो।

यसअघि मोहमाउद नायफले अर्को गोल थप्दा सिरियाले नेपाल विरुद्ध ४-२ को जित निकाल्यो। सिरियाको यो दोस्रो जित हो। उसले ६ अंक बनाएको छ। उसले यसअघि पहिलो खेलमा फिलिपिन्सलाई हराएको थियो।

नेपालले भने २ खेलबाट अंकको खाता खोल्न सकेको छैन। पहिलो खेलमा नेपाल घरेलु टोली ताजिकिस्तानसँग ४-० ले हारेको थियो। अब नेपालले फिलिपिन्ससँग खेल्नेछ।

सन् २०२६ को साउदी अरेबियामा हुने यु-२३ एसियन कप छनोटको लागि ४४ राष्ट्रले दाबेदारी प्रस्तुत गरेका छन्। ४४ टोलीलाई ११ समूहमा विभाजन गरिएको छ।

प्रत्येक समूहमा ४ टोली रहेका छन्। प्रत्येक समूहको विजेता छनोट हुनेछ। साथै उत्कृष्ट ४ उप विजेताले पनि एसियन कप खेल्न पाउनेछ।

साउदी अरेबिया भने आयोजकको हैसियतमा छनोट भैसकेको छ। एसियन कपमा कुल १६ टोलीले प्रतिस्पर्धा गर्नेछन्।