बार्सिलोना (एजेन्सी) – स्पेनिस ला लिगा अन्तर्गत बुधबार राती भएको खेलमा बार्सिलोनाले आफ्नो घरेलु मैदान क्याम्प नोउमा ओससुनालाई ७-१ले पराजित गरेको छ।
बार्सिलोनाको जितमा लियोनेल मेस्सी, आन्द्रे गोमेस र फ्रान्सिस्को अल्कासेरले २/२ गोल गरेका थिए भने हाभिएर मासेरानोले पनि १ गोल गरे। खेलको १२औं मिनेटमा मेस्सीले गोल गर्दै बार्सालाई अग्रता दिलाएका थिए भने आन्द्रे गोमेसले ३०औं मिनेटमा गोल गर्दै बार्सिलोनालाई पहिलो हाफमा २-०ले अगाडी राखे।
दोश्रो हाफको सुरुवातमै रोबर्टो टोरेसले गोल गर्दै ओसासुना खेलमा फर्कने आशा देखाएका थिए। तर गोमेसले ५७औं मिनेटमा व्यक्तिगत दोश्रो गोल गर्दै बार्सिलोनालाई २ गोलको अग्रता दिलाए। त्यसपछि मेस्सी, अल्कासेर र मासेरानोले ७ मिनेटको अन्तरमा ३ गोल गर्दै बार्सिलोनाको जित पक्का गरे। खेलको ८६औं मिनेटमा अल्कासेरले व्यक्तिगत दोश्रो गोल गरेका थिए।
जितसंगै बार्सिलोनाको ३४ खेलमा ७८ अंक भएको छ र शीर्षस्थानमा कायमै छ।
