म्युनिख (एजेन्सी) – सेमिफाइनलमा बोरुसिया डर्टमुण्डसंग ३-२ले पराजित भएपछि जर्मन लिग च्याम्पियन बायर्न म्युनिख जर्मन कपबाट बाहिरिएको छ।
बुधबार राती भएको प्रतियोगिताको दोश्रो सेमिफाइनल खेलमा डर्टमुण्डले मारको रीउसको गोलमा अग्रता लिएको थियो। उनले १९औं मिनेटमा अग्रता दिलेपानी दिलाएपनि हाभिएर मार्टीनेजले त्यसको ९ मिनेटमै खेललाई बराबरीमा ल्याएका थिए। ४१औं मिनेटमा फ्र्यांक रिबेरीको पासलाई सदुपयोग गर्दै म्याट्स हमल्सले बायर्नलाई अग्रता दिलाए।
दोश्रो हाफको ५ मिनेटमा २ गोल गर्दै डर्टमुण्डले बायर्नलाई उसकै घरेलु मैदानमा पराजित गर्यो। पिएर एमेरिक औबामेयाङले डेम्बेलेको पासलाई सदुपयोग गर्सै ६९औं मिनेटमा खेललाई बराबरीमा ल्याए भने उनी डेम्बेलेले ७४औं मिनेटमा डर्टमुण्डलाई अगाडी बढाए।
यस जितसंगै डर्टमुण्डले डी.एफ.बि पोकालको फाइनलमा आफ्नो स्थान सुरक्षित गरेको छ। यसघि मंगलबार भएको पहिलो सेमिफाइनलमा आइनट्रयाक्ट फ्र्यांकफर्टले बोरुसिया मोन्चेन्ग्ल्याडब्याकलाई सडन डेथमा ७-६ले पराजित गर्दै फाइनल प्रवेश गरेको थियो।
