7 years ago
May 1, 2017
म्याड्रिड (एजेन्सी) – स्पेनिस ला लिगा अन्तर्गत शनिबार भएको भ्यालेन्सिया विरुद्धको खेलमा टोलीको योजना नबुझेर गल्ती गरेपछि रियल म्याड्रिडका स्टार फरवार्ड क्रिस्टियानो रोनाल्डो र प्रशिक्षक जिनेदिन जिदान मिडफिल्डर क्यासेमिरोसंग निराश भएका छन्। स्पेनी मिडियाहरुको रिपोर्ट अनुसार भ्यालेन्सिया विरुद्धको खेलको अन्तिम समयमा रोनाल्डोले पहेंलो कार्ड पाउन जानाजान फ्रिकिक प्रहार गर्न ढिलाई गरिरहेका थिए। रोनाल्डोले अब पहेंलो […]
म्याड्रिड (एजेन्सी) – स्पेनिस ला लिगा अन्तर्गत शनिबार भएको भ्यालेन्सिया विरुद्धको खेलमा टोलीको योजना नबुझेर गल्ती गरेपछि रियल म्याड्रिडका स्टार फरवार्ड क्रिस्टियानो रोनाल्डो र प्रशिक्षक जिनेदिन जिदान मिडफिल्डर क्यासेमिरोसंग निराश भएका छन्।
स्पेनी मिडियाहरुको रिपोर्ट अनुसार भ्यालेन्सिया विरुद्धको खेलको अन्तिम समयमा रोनाल्डोले पहेंलो कार्ड पाउन जानाजान फ्रिकिक प्रहार गर्न ढिलाई गरिरहेका थिए। रोनाल्डोले अब पहेंलो कार्ड खाएमा एक खेल प्रतिबन्ध हुने र प्रशिक्षक जिदानको सल्लाह अनुसार उनले भ्यालेन्सिया विरुद्धको खेलमा उक्त पहेंलो कार्ड पाउन खोजेका थिए। अर्को साता हुने ग्रानाडासंगको खेलमा रोनाल्डोको अनुपस्थितिले टोलीलाई धेरै गार्हो नपर्ने र त्यसपछि हुने सेभिल्लासंगको खेलमा रोनाल्डो बेफिकर भएर खेल्न सक्ने योजना जिदानको रहेको थियो।
तर, क्यसेमिरोले आएर रोनाल्डोले फ्रिकिकमा ढिलाई गरिरहेको बेलामा बल चलाएपछि जिदान र रोनाल्डोको योजना असफल भएको थियो। यससंगै जिदानले रोनाल्डोलाई ग्रानाडासंगको खेलमा विश्राम दिने सम्भावना बढेको छ। सेभिल्लासंगको खेलमा उनको भूमिका महत्वपूर्ण हुने जिदानको बुझाइ छ। यद्दपी रोनाल्डोले सेभिल्लासंगको खेलमा कार्ड पाए भने मालागा विरुद्धको खेल गुमाउने सम्भावना पनि उत्तिकै छ।
म्याड्रिडले लिगका खेलसंगै च्याम्पियन्स लिगको सेमिफाइनल खेल पनि खेल्नुपर्ने हुनाले जिदानलाई खेलाडीको फिटनेसमा ध्यान दिनुपर्ने दबाब पनि रहेको छ। म्याड्रिडले च्याम्पियन्स लिगको सेमिफाइनलमा एटलेटिको म्याड्रिडको सामना गर्दैछ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]