एजेन्सी – युरोपेली च्याम्पियन्स लिग अन्तर्गत सेमिफाइनल चरणको पहिलो लेगको खेलमा स्पेनीस टोली रियल म्याड्रिड र एटलेटिको म्याड्रिड भिड्दै छन्।
एटलेटिकोका लागि यानिक करास्कोले चोट बोकेका कारण खेलमा उपस्थित हुने छैनन्, उनको ठाउँमा निकोलस गाइतान खेल्नेछन्। फर्नान्डो टोरेस र केभिन गमेरियो मध्ये एक जनाले एन्टोइन ग्रिज्मनसंग आक्रमणमा सहयोग गर्नेछन्।
गोलरक्षकको भुमिकामा जान ओब्लाक रहनेछन् भने स्टेफान स्याभिच र डिएगो गोडीनले सेन्टर डिफेन्सको जिम्मेवारी सम्हाल्नेछन्। जोसे हिमिनेजले राइट डिफेन्समा खेल्नेछन् भने लेफ्ट डिफेन्समा लुइस फिलिपे कायमै रहनेछन्।
कोके, गाबी, साउल निगुएज र गाइतानले मिडफिल्ड सम्हाल्नेछन्। ग्रिज्मन र गमेरियोले आक्रमण सम्हाल्नेछन्।
नेपाली समयानुसार खेल मध्यरातको १२:३० बजे सुरु हुनेछ।
