स्पेन (एजेन्सी) – युरोपा लिग अन्तर्गत बिहिबार राती भएको सेमिफाइनल चरणको पहिलो लेगमा पाहुना टोली म्यानचेस्टर युनाईटेडले सेल्टा भिगोलाई १-०ले पराजित गरेको छ।
सेल्टाका गोलरक्षक बाधक बनेको खेलमा युनाईटेडले खेलको एकमात्र गोल फ्रिकिक मार्फत गरेको थियो। खेलको ६७औं मिनेटमा मार्कस र्यासफर्डको फ्रिकिक प्रहार गोलमा परिणत भएको थियो।
यस जितसंगै युनाईटेडले युरोपा लिगको फाइनल पुग्ने सम्भावनालाई बढाएको छ। स्टार फरवार्ड ज्लाटान इब्राहिमोभिचको अनुपस्थितिले युनाईटेडलाई ठुलो घाटा परेको छ।
दोश्रो लेगको खेल अर्को साता युनाईटेडको घरेलु मैदान ओल्ड ट्राफर्डमा हुनेछ।
