ब्राजिल (एजेन्सी) – स्पेनिस क्लब रियल म्याड्रिडले १६ वर्षीय ब्राजिलियन खेलाडी भिनिसियस जुनियरलाई आफ्नो क्लबमा भित्र्याउने भएको छ। ब्राजिलका सर्वोत्कृष्ट युवा खेलाडीका रुपमा हेरिएका भिनिसियसलाई क्लबमा ल्याउन म्याड्रिडले ४५ मिलियन युरो खर्चने भएको हो।
ब्राजिलियन पत्रिका ग्लोबोस्पोर्टले जनाए अनुसार रियलले अन्य ठुला युरोपियन क्लबलाई पछि पार्दै भिनिसियसलाई भित्र्याउन सकेको हो। हाल १६ बर्ष रहेका भिनिसियसले १८ वर्ष पुगेपछि मात्र म्याड्रिडमा आउन पाउनेछन्। हाल फ्लामेङ्गोबाट खेलिरहेका भिनिसियसलाई भित्र्याउन रियलले एजेन्ट फी र तलब समेत जोडेर कुल ६१ मिलियन युरो खर्चने भएको हो।
बार्सिलोनाले पनि भिनिसियसलाई आफ्नो क्लबमा ल्याउन प्रस्ताब राखेको थियो। तर, बार्सिलोनाको तुलनामा रियलले बढी पैसा दिने भएपछि उनि रियलमा जाने भएको हुन्।
भिनिसियस दक्षिण अमेरिकी अन्डर -१७ च्याम्पीयनसिप अन्तर्गत उत्कृष्ट खेलाडी, उच्च गोलकर्ता र प्रतियोगिताको विजेता रहेका थिए।
