बार्सिलोना (एजेन्सी) – बार्सिलोनाका स्टार फरवार्ड नेयमारको सहायक प्रशिक्षक जुआन कार्लोस उन्जुएसंग मतभेद भएपछि प्रशिक्षण टोलीका एक सदस्यले नेयमारलाई फुटबलमा ध्यान दिन सल्लाह दिएका छन्।
स्पेनी पत्रिका मार्साका अनुसार उन्जुएले नेयमारलाई खेलको रणनीतिक योजनाबारे सम्झाउन खोज्दा नेयमारलाई चित्त नबुझेको र मतभेद बढेपछि प्रशिक्षण टोलीका सदस्यले उनीहरुको कुराकानी रोकेका थिए। उक्त घटना पश्चात नेयमार खिस नभएको र पछि ड्रेसिङ रुममा गएर पनि यसबारे छलफल गरेको मार्साले जनाएको छ।
अन्य सस्पेनी पत्रिकाले पनि यस घटनालाई सत्य बताएका छन्। भिल्लारीयालविरुद्धको खेल अघि भएको यस घटनाले उनको खेलमा भने केहि असर परेन। नेयमारले भिल्लारीयाल विरुद्ध १ गोल र १ अस्सिट प्रदान गर्दै उत्कृष्ट प्रदर्शन गरेका थिए।
उनले यस सिजन १६ गोल गर्दै २४ असिस्ट प्रदान गरेका छन्। बार्सिलोनाका प्रशिक्षक लुइस एन्रिकेले पनि उनको खेलको तारिफ गरेका थिए।
