एजेन्सी – च्याम्पियन्स लिग अन्तर्गत सेमिफाइनल चरणको दोश्रो लेगको खेलमा आज युभेन्टस र मोनाको भिड्दैछन्। मोनाकोको घरेलु मैदानमा भएको पहिलो लेगमा युभेन्टस विजयी रहेको थियो। प्पहिलो लेगमा गोन्जालो हिगुआइनको २ गोलको मद्दतले युभेन्टस २-०ले विजयी रहेको थियो। 
युभेन्टसले यसै साता खेलिएको गरेलु घरेलु लिग अन्तर्गतको खेलमा आफ्ना मुख्य खेलाडीहरुलाई विश्राम दिएको थियो। यस खेलका लागि प्रशिक्षक म्याक्स एलेग्रीले आफ्नो उत्कृष्ट एघारलाई मैदानमा उतार्ने पक्का छ। प्रतिबन्धका कारण पहिलो लेग गुमाएका मिडफिल्डर सामी खेडिरा आजको खेलमा उपस्थित हुनेछन्।
मोनाकोका लागि बोस्चिला र अल्मामी टुरे चोटका कारण बाहिर छन् भने बेन्जामिन मन्डी पूर्ण रुपमा फिट छैनन्। नाबिल दिरारले मेन्डीको अनुपस्थितिमा राइट डिफेन्सको भूमिका निर्वाह गर्नेछन्।
युभेन्टसले च्याम्पियन्स लिगका पछिल्ला ६ खेलमा कुनै गोल खाएको छैन। उसले पछिल्ला १३ खेलमा अपराजित रहँदै सेमिफाइनल यात्रा तय गरेको थियो।
