एजेन्सी – युरोपेली च्याम्पियन्स लिग अन्तर्गत सेमिफाइनल चरणको दोश्रो लेगको खेलमा स्पेनीस टोली रियल म्याड्रिड र एटलेटिको म्याड्रिड भिड्दै छन्। पहिलो लेगमा रियल म्याड्रिड ३-०ले विजयी रहेको थियो।
रियल म्याड्रिडको लागि चोटका कारण यस खेलमा ग्यारेथ बेल र पेपे अनुपस्थित रहनेछन्। बेलको स्थानमा फर्ममा रहेका इस्कोले सुरुवात गर्ने सम्भावना रहेको छ। हामेस रोड्रीग्वेज र अल्भारो मोराटा पनि बेन्चबाट आएर खेलमा प्रभाव पार्ने धुनमा हुनेछन्। ड्यानी कर्भाजाल पनि चोटका कारण उपलब्ध रहने छैनन्।उनको ठाउँमा नाचो फर्नान्डेज खेल्नेछन्।
गोलरक्षकको भुमिकामा केलर नाभास रहनेछन् भने राफेल भारान र सर्जियो रामोसले सेन्टर डिफेन्सको जिम्मेवारी सम्हाल्नेछन्। नाचोले राइट डिफेन्समा खेल्नेछन् भने लेफ्ट डिफेन्समा मार्सेलो कायमै रहनेछन्।
टोनी क्रुज, कासेमिरो र लुका मोड्रीचले मिडफिल्ड सम्हाल्नेछन्। इस्को, क्रिस्टियानो रोनाल्डो र करीम बेन्जेमाले आक्रमण सम्हाल्नेछन्।
नेपाली समयानुसार खेल मध्यरातको १२:३० बजे सुरु हुनेछ।
एटलेटिको म्याड्रिडको सम्भावित सुरुवाती एघार
