एजेन्सी – इङ्गलिस प्रिमियर लिग अन्तर्गत मंगलबार रातीको खेलमा वेष्ट ब्रमविच आल्बियानलाई ३-१से पराजित गर्दै म्यानचेस्टर सिटी अंक तालिकाको तेश्रो स्थानमा उक्लिएको छ।
खेलको २७औं मिनेटमा केभिन डे ब्रुएनाको पासलाई सदुपयोग गर्दै ग्याबरिएल जेससले सिटीलाई अग्रता दिलाएका थिए। त्यसको १ मिनेट नबित्दै जेससको पासमा केभिनले गोल गर्दै सिटीको अग्रता दोब्बर पारेका थिए।
दोश्रो हाफको ५७औं मिनटेमा याया टुरेले गोल गर्दै सिटीलाई थप बलियो बनाएका थिए। निर्धारीत समय सकिन तिन मिनेट बाँकी रहँदा हल रब्सन कानुले वेष्ट ब्रमका लागि सान्तवना गोल गरे।
जितसँगै म्यानचेस्टर सिटी ३७ खेलमा ७५ अंक जोड्दै तेश्रो स्थानमा उक्लिएको छ। लिभरपुल ३७ खेलमा ७३ अंकका साथ चौथोचौथो र पाँचौ स्थानमा ७२ अंक जोडेको आर्सनल रहेको छ।
