एजेन्सी – इङ्गलिस प्रिमियर लिग अन्तर्गत बिहिबार रातीको खेलमा स्चार फर्वार्ड ह्यारी केन एक्लैले ४ गोल गरेपछि टोटेनहम हट्सपरले साविक विजेता लेष्टर सिटीलाई ६-१ले पराजित गरेको छ।
आजको खेलसँगै यस सिजन प्रिमियर लिगकै सर्वाधिक गोलकर्ताको सुचिमा शीर्षस्थानमा पुगेका केनले पहिलो हाफमा १ र दोश्रो हाफमा ३ गोल गरेका थिए। टोटेनहमको अन्य २ गोल भने सन ह्युङ मिनको नाममा रह्यो।
२५औं मिनेटमा खेलको पहिलो गोल गरेका केनले ६३औं मिनेटमा दोश्रो गोल गरेका थिए। उनले ८८औं मिनेटमा ह्याट्रीक पुरा गर्दै इन्ज्युरी समयको दोश्रो मिनेटमा चौथो गोल गरेका थिए। सनले खेलको ३६औं र ७१औं मिनेटमा गोल गरेका थिए।
चोटका कारण सिजनका २९ खेल मात्र खेलेका केनले २६ गोल प्रहार गरेका छन्। दोश्रो स्थानमा रहेका रोमेलु लुकाकुको २४ गोल रहेको छ।
