स्पेन (एजेन्सी) – स्पेनिस ला लिगा अन्तर्गत आइतबार हुने अन्तिम चरणको खेलका लागि रियल म्याड्रिडले आफ्नो टोलीको घोषणा गरेको छ। मालागाविरुद्द अवे मैदानमा हुने खेलको लागि रियलले २५ सदस्यीय प्रारम्भिक टोलीको नाम जारी गरेको छ।
चोटका कारण विगतका केहि खेल गुमाएका स्टार विङ्गर ग्यारेथ बेल, राइट ब्याक ड्यानी कर्भाजल, डिफेन्डर पेपे लगायतका खेलाडीहरुले टोलीमा पुनरागमन गरेका छन्। यद्दपी प्रशिक्षक जिदानले उनीहरुलाई सुरुवाती एघारमा खेलाउनेमा भने ठुलो शंका छ। अर्को साता हुने च्यामपियन्स लिगको फाइनल खेलका लागि मनोवैज्ञानिक रुपमा तयार पार्न टि खेलाडीलाई समावेश गरीएको स्पेनिस मिडियाको बुझाइ छ।
गोलरक्षकमा केलर नाभास, किको कासिला र रुबेन यानेजको नाम छ भने डिफेन्समा कार्भाजल, पेपे, सर्जियो रामोस, राफेल भारान, नाचो फर्नान्डेज, मार्सेलो, कोएन्ट्राओ र ड्यानिलो रहेका छन्। मिडफिल्डर टोनी क्रुस, हामेस रोड्रीग्वेज, क्यसेमिरो, माटियो कोभाचिच, लुका मोड्रीच, मार्को एसेन्सियो र एन्जो जिदान पनि टोलीमा रहेका छन्। फरवार्ड क्रिस्टियन रोनाल्डो, क्रिम बेन्जेमा र इस्कोसँगै ग्यारेथ बेल, अल्भारो मोराटा, लुकास भाज्केज र मरियानोको नाम समावेश गरिएको छ।
